Unua paĝo
Nia teamo
Kontaktoj
Pri ni

    ĉefpaĝo


Vigla Esperanto-vivo en Mazara del Vallo

Elŝuti 12.97 Kb.

Vigla Esperanto-vivo en Mazara del Vallo




Dato07.11.2017
Grandeco12.97 Kb.

Elŝuti 12.97 Kb.

Vigla Esperanto-vivo en Mazara del Vallo


Dato: 2012-11-27

Mazara del Vallo, la sicilia urbo, kiu gastigis la 79-an itala kongreson en aŭgusto 2012, plene meritas la nomon Esperanto-urbo. Post la germana Herzberg, en Italio, danke al la kunordigaj agado kaj laboro disvolviĝantaj en Centron por Esperanto kaj Interkulturo, aganta nome de Itala Esperanto-Federacio okazas grandskala kaj en si mem pionira laboro. Tre verŝajne ne plu vivas homo en la urbo, kiu ne scius ion pri Esperanto.

Kun la fervora subteno de la urbestro, ne nur en dekoj da klasoj okazas sistema instruado de Esperanto, sed formiĝis Esperanto-Centro kun oficejo; instruistoj kaj membroj de diversaj asocioj partoprenas en informprelegoj kaj kursoj pri la lingvo. Somere kun dekoj da tuturbaj publikaj prezentoj kaj koncertoj esperantistaj artistoj suriris la urbocentran scenejon kaj la partoprenantoj de la itala kongreso kun granda amaso de lokuloj kune ĝuis la vesperajn programojn. 

Ŝildoj en Esperanto kaj pri Esperanto komencas aperi en la stratoj de la urbo.

En tiuj ĉi semajnoj (novembro 2012) la loĝantoj, de infanetoj ĝis plenkreskuloj, kun la gvido de Kimie Markarian (JP-GB) lernas pri sorobano. Okazis surstrataj prezentoj, publikaj informprelegoj, formalaj lernejaj lecionoj kaj praktikado. Ekz. en la mezgrada lernejo de J.Grassa, Kimie kun la helpo de Monique Arnaud (FR) proponis demonstri uzon de sorobano al dudeko-trideko da lernantoj, sed venis al la prezento proksimume cent lernantoj. Postprezente en la sekvaj tagoj kelkaj klasoj en tiu lernejo ricevis pli profundan eblon praktiki la uzon de la japana kalkulilo. La junuloj ĝuis lerni pri sorobano kaj mire konsciis pri la graveco de tiu kalkulilo.
Similaj prezentoj kaj informado okazis en aliaj lernejoj, kluboj; belega afiŝo de Przemek W. informas la loĝantojn pri la programoj en vitrinoj, trinkejoj kaj vendejoj de la urbo.

Post la aŭgusta kultura Esperanto-festivalo, nun lernado pri la japana kalkulilo en la praktiko pruvas, ke la internacia lingvo estas bona peranto



inter diversaj kulturoj, do, valoras ĝin lerni. Kaj en Mazara ankaŭ eblas ĝin lerni.


Jam de pli ol unu jaro oficiale funkcias lernejaj Esperanto-kursoj, gvidataj de eksterlandaj volontuloj.

Nepre menciindas la nomo de la hungara Szabolcs Szilva, kiu komence dum kelkaj semajnoj volontulis en la urbo. Lin sekvis tre spertaj du instruistinoj, Márta Kovács (HU) kaj Svetlana Smetanina (RU) kiuj dum 4-5 monatoj laboregis en diversaj klasoj en la urbo antaŭ somero de 2012.


Ekde septembro Nina Pietuchowska (PL) transprenis la torĉon kaj agadas surloke ĝis komenco de decembro. En oktobro aliĝis al la teamo alia polo, Przemysław Wierzbowski kaj poste la francino Monique Arnaud kiu restos en la urbo inter la 3a de novembro ĝis la 19a de decembro kaj krom la instruado respondecos ankaŭ pri la Zamenhof-tagaj aranĝoj kaj festoj.
Edukado.net klopodas subteni la agadon de la kolegoj, kaj la redaktoro fieras pri tio, ke krom Marta Kovacs, ĉiuj surloke agantaj kolegoj partoprenis en ŝiaj trejnkursoj en la pasintaj jaroj, estas disĉiploj de Katalin Kovats kaj daŭre kunlaboras kun edukado.net. Ankaŭ pro tio okazis ke la entrepreno E-duKati aliĝis al la grandanima donaco de Synnöve Mynttinen kiu disponigis 500 libretojn de Poŝamiko al la lernantoj de Mazara. La sendadon financis Tamás Slezák el Hungario.
Certe bonvenas financaj helpoj, sed kelkfoje metodikaj konsiloj, ideoj pri poemetoj, ludoj, materialoj multe helpus la kolegojn. Vidu nian foruman parton kun tia ekzemplo.

Nia redakcio volonte ricevas kaj peras informojn pri la disvolviĝo de la laboro en Mazara, kaj kore gratulas kaj dankas ĉiujn kunlaborintojn kaj kunlaborantojn, inter ili aparte Brunetto Casini kaj Sara Spanò, kiuj estas la motoroj de la projekto kaj kiuj klopodas pri la ebligo de kontinua agado en la urbo kaj akirado de pliaj eŭropaj subvencioj por la eblo venigi pliajn instruistojn al la esperantigata Mazara del Vallo. 

La raporton kompilis el diversaj fontoj: Katalin Kovats
Aldonaj informoj, ligoj: .  

Paĝo de la Centro sur Facebookhttp://www.facebook.com/ceimazara



Nia kolekto de iliaj fotojhttp://edukado.net/biblioteko/fotoj?al=35

Forumo kie ni kolektis kristnaskajn ideojn por Mazara: http://edukado.net/komunumo/forumo?k=23 

Informoj, artikolo, sonmaterialo pri sorobano:  http://edukado.net/instrumaterialoj?iid=23452


Elŝuti 12.97 Kb.

  • Centron por Esperanto kaj Interkulturo
  • Kimie Markarian (JP-GB)
  • Szabolcs Szilva
  • Nina Pietuchowska (PL)
  • E-duKati
  • Brunetto Casini kaj Sara Spanò
  • Aldonaj informoj, ligoj

  • Elŝuti 12.97 Kb.