Unua paĝo
Nia teamo
Kontaktoj
Pri ni

    ĉefpaĝo


Plu glosa nota

Elŝuti 60.5 Kb.

Plu glosa nota




Dato28.10.2017
Grandeco60.5 Kb.

Elŝuti 60.5 Kb.

PLU GLOSA NOTA



Published by Glosa Education Organisation (GEO) Reg. charity no. 298237

P. O. Box 18, Richmond, Surrey, TW9 2GE. Britain




Numera 87 Decembra 2002 - Februari 2003 ISSN 0265 - 6892


Plu Lingua In Englanda

Tem pre oligo meno plu nova-papira-pe e komerci-pe pa dice de u ski de plu lingua in Englanda. Mega de u-ci dice; pa gene foku de doci de plu lingua in plu lingua sko-do.

Tem meno bi, 2002, u grega de duce eduka krati-pe ex Deutschland, France, Italia e Espania pa kon-petitio; u doci de plu lingua in Englanda debi tako gene maxi ma-boni. Mo Deutsch krati-pe Hans-Friedrich Von Ploetz, pa dice; “tu vendo in Europa e plu globa merkata – sed tu no-freqe habe u pote de dice plu lingua de plu-ci merkata.”

U krati nu du skema u ma longi-tem kampania te doci plu lingua in plu sko-do in Englanda. Plu eduka solve inklude u posi de internatio merita e plu idio sko-do initiativi. Mo eduka-krati-pe Sr. Stephen Timms pa dice; 141 lingua sko-do fu gene apri pre Septembra 2002; e te solve u minus de plu lingua doci-pe in Englanda, na fu gene plu doci-pe ex extra-landa.

Topo u dice de u-ci tema in House of Lords, Lord Williams Elvel pa dice: “English ne es sati. Posi na doxo; English nu es u globa lingua; na nece ski; plu hetero lingua plus-co, habe globa gravi. Exempla: na nu ski; es maxi ma mega qantita de persona qi uti Inter-reti in non-English lingua de English – plu maxi ge-uti lingua es plu-la de Cina. Plus-co, id es klari de plu kulturi problema qi gene sti; si plu English-dice persona doxo; mu solo nece ma alti-voci uti English ad ali-pe de ali landa.”

Sti ma boni u doci de plu lingua in plu sko-do es u longi-tem solve ad u-ci problema. Plu-la komerci-pe qi vendo e merka ex extra-landa volu un imedia solve. “Doci de plu komunika tema nece proto in sko-do; sed plu komerci-pe nece plus-co, gene stimula de uti valuta in plu lingua servi; e plu solve tende sti ma boni mu okasio de internatio sucede.

Plu-la ergo-pe qi ne pa gene ski de plu lingua tem mu juve-tem in sko-do; nu pote uti plu servi de plu translati-pe, interpreti-pe e plu multi-lingua Inter-reti eko-lo(website) designa-pe. Seqe-co, id nu es posi pro ali komerci-pe in UK de uti plu lingua de mu extra-landa merka-pe alo vendo-pe.

Plu-la komerci-pe qi uti plu multi-lingua Inter-reti eko-lo; fu habe poli ma okasio de gene vide ex plu neo merka-pe de extra-landa. U boni qalita Inter-reti eko-lo ko plu inter-aktivi okasio pote salve mega tem e valuta; sed plu komerci-pe nece gene translati de extra-landa reakti plus-co.


U lingua de St. Lucia

Si tu merka u bibe-ma in bibe-bo alo negotia in agora in Castries, u duce-urba de St.Lucia; u lingua tu maxi audi es Kweyol. Id ne es u forma de ge-frakti Francais; id es u vive lingua.

St. Lucia pa gene krati mo-tetra kron inter



Kweyol in St. Lucia

St. Lucia es u landa in orienta Karibean Mari. Id tegu 620 qadra kilometri; e habe 158,018 eko-pe. U duce-urba de u landa es Kastries; e id valuta es un Orienta Karibean Dolar.

St. Lucia pa gene krati 14 kron inter plu France-pe e Englanda-pe pre id pa gene libe tem 1979. U-ci explika u domina de plu Francais-lexi in lexi-lista de Kweyol. Plu hetero lexi veni ex English, Amerindian e ex plu Afrika-lingua; anti-co id sintaxi e semanti es ma simi plu-la de u Niger-Kongo grega de plu lingua de Ocide Afrika.

Mo-penta miliona persona dice Kreole in holo munda; sed es poli speci de Kreole. St. Lucia es fo proxi Dominika e Martiniqe; ka-co, plu civi de bi-ci landa logi Kweyol. Id es fo hetero de u Patois de Suriname alo Jamaika; plu lingua de bi-ci landa tena poli lexi ex plu lingua de Nederlanda e Englanda kausa de koloniza influ.

Kweyol ne habe oficio rekogni in St. Lucia; anti-co, id representa u kardia e anima de plu loka-pe. Tem poli anua de koloniza pe ne pa lice uti Kweyol; nu id es u fo ge-amo e fo-ge uti lingua. Nu St. Lucia es u bi-lingua natio.

Kweyol ne gene doci in plu sko-do; exklude tem Jounen Kweyol (Kweyol Di) tem meno deka. E meno deka es plus-co, Kweyol heredi meno; u kultura de Kweyol gene celebra tem u-ci meno trans holo landa.

A-nu es zero kweyol nova-papira – u pre-papira qi pa gene nima Balata (semani u maxi sklero dendro in silva) pa sto gene publika. Anti-co, es plura brevi difusi per loka radio e plu-la persona qi presenti mu programa in Kweyol es fo populari. U krati registra u deka minuta programa de plu nova in Kweyol; id es ge-nima Weflechi, e plu loka radio-pe difusi id.

Plu boni ge-ski famo-pe freqe dice in Kweyol e English; plu-ci inklude u Duce Ministra e u Governa-Generali. Kausa English es lingua mo de St. Lucia; e Amerika Kabla TV domina u media, poli neo lexi nu du veni ad in lexi-lista de Kweyol.

U proto English-Kweyol/ Kweyol-English lexi-bibli ex Jones Mondesir pa gene publika tem 1992. Id buta es de “registra info de u struktura de u-la lingua e de auxi plu dice-pe tena mu logi de id minus un influ de plu lexi de English.

Oligo Kweyol lexi




Kweyol Glosa Kweyol Glosa

Bon Jou Boni di Byen vini Bene veni

Ale Ki Mesi Gratia

Mwen Mi Ou Tu

Nou Na Ye Pa-di

Jodi-a Nu-di Denmen Fu-di


Sent Lisi Bel. Sankti Lucia es kali.


Simi Glosa, plu klavi-lexi (verb) de Kweyol habe zero flexi. Te forma u tem; pe dice u brevi lexi pre u klavi-lexi.

Exempla: “te” = pa; “ka” = nu; e “kay” = fu.

Mw_ te-ale = Mi pa ki.


Mw_ ka-ale = Mi nu ki

Mw_ kay-ale = Mi fu ki.



Plu qestio e reakti

Plu lekto-pe de “Plu Glosa Nota” freqe bali plu qestio de Glosa; ci es oligo questio; mi nu-pa gene.



Q. Fe-bovi = a female ox, cow.

Fe bovi = her cow. Qe es posi konfusi ci?


R. Id panto-kron auxi de ski u kontextu. Si tu inklude un exempla frase; mi ma facili pote dona u-la translati qi evita konfusi. Freqe u-ci es per adi un hetero lexi ad u-la frase.

U fe-bovi pa sedi epi gra = The cow sat on the grass.

U-ci Glosa frase proto per ‘U’ qi monstra u nomina-lexi seqe id; seqe-co, na ne sio translati a/the her cow.

Fe bovi pa sedi epi gra. = Her cow sat on the grass.

Si tu doxo; es posi konfusi ci, tu pote grafo u ma-longi e ma exakti frase. U bovi de fe pa sedi epi gra. Hogben pa uti u-ci forma in Interglossa; anti-co, in tako-dice e tako-grafo pe freqe uti fe bovi.

Bovi-fe = cow girl. Bovi-an = cow boy


Q. Qe u lexi ‘plu’ es nece pre numera-lexi ko nomina-lexi? Qe na dice: Mi vide plu poli zoa in parka.= I see many animals in the park. Alo Mi vide poli zoa in parka?
R. “Plu” indika es ma de mo. U numera-lexi indika un exakti alo proxi qantita; e ko-co, u lexi ‘plu’ es no nece. Seqe-co, de bi-ci exempla u frase bi es korekti. Na ne sio uti “plu” in u-ci frase si na uti plu seqe exempla: poli zoa, panto zoa, oligo zoa, plura zoa, zero zoa, qanto zoa? mo zoa, bi zoa, tri zoa, etc.
Q. Qe pe nu-pa muta struktura de u Glosa frase?

Mi vide oligo Inter-reti Glosa-pe nu du uti plu neo struktura qi ne es ur-Glosa a mi. Mo exempla mi nu pa vide es:

An ki domi. An ki ad an domi. E An ki a domi. Te translati Englanda-lingua: He goes home.
R. U frase: An ki domi. ne dona sati info.

Exempla mo persona posi translati id; His moving house, alo klu His caravan. Anti-co, rota-do posi es ma boni pro Glosa 1000; e u lexi karavana es in Mega Glosa.

In generali tako-dice pe uti: An ki a domi.

Sed si id es fo gravi de exakti dice; pe debi uti; An ki ad an domi. Alo An ki a domi de an.

A domi = at home, indoors alo towards home; id auxi de habe u kontextu; e te evita konfusi; id es panto-kron posi de adi mo alo plu lexi. Exempla: An es in an auto domi. An es in u domi de an. An ki ad an auto domi.
Q. U pusi numera de Glosa-pe feno aktivi re-face Glosa; vice uti id. Qe id sio es ma profito; si vice-co, mu auxi per uti e difusi id?
R. Ja mi akorda ko tu. Anti-co, poli speci persona gene interese de Glosa pro poli speci kausa. Posi tu pa detekti u grega de plu-la persona qi fo amo dice de plu internatio lingua; e qi plus-co, amo face plu neo lingua. Posi mu akti u-ci per trakto mero mu lexi-lista e struktura ex Glosa. Probabli plu-ci persona ne es fo zelo pro Glosa. Ne panto-pe qi habe interese de Glosa aktuali volu uti id.

Mi doxo; Glosa es a-nu u sati boni lingua pro internatio komunika; seqe-co, mi, ne interese se de re-face id. Sura, simi na indika in Glosa insignia; Glosa es apri a plu neo idea; e per ma uti e ma difusi de na lingua id fu gradu kontinu de developo natura; e seqe-co, gene id auto mode. U-ci acide ko ali vive lingua.

Poli persona de plu hetero natio lingua nu logi e uti Glosa; u-ci monstra u lingua nu du funktio fo boni. Simi tu, mi ma amo spende mi tem uti e difusi id; e du kontinu u splendid ergo de Lancelot Hogben e Ron Clark.
Q. Qe u Glosa lexi ‘bate’ signifi un English lexi strike, hit e plus-co, to go on strike?
R. Bate = hit, beat, strike.

Bate u bola. Hit the ball.

Bate un andro. Hit the man.

Bate plu ova. Beat the eggs.

Un horo-me pa soni deka. The clock struck ten.

Sto ergo. To go on strike, stop working.

Plu ergo-pe pa sto ergo kausa de u disputa.

The workers went on strike because of a dispute.
Q. Mega gratia de “Glosa 6000” e PGN; qi mi nu-pa merka. Mi pa gene sti mira; de logi Glosa ta facili ex solo uti u-ci lexi-lista e plu mekani de Glosa.

Mi vide; tu uti u lexi Decembra vice meno mo-bi. Qe tu habe un alo-lista pro plu meno?

Qe mi pote uti ali sinonima in Glosa? Exempla; mi vide tu uti vora e fago in iso textu.

Mi fo amo hortikultura; e mi nu gene hedo kausa per Glosa, mi nu logi oligo botani-nima. Si mi uti plu-ci nima in Glosa qe mi grafo mu fonetika?

Gareth Clee,

Cardiff, Cymru.


R. In Centra Glosa 1000 na uti meno-mo, meno-bi, etc. e plus-co, di-mo, di-bi. In Mega Glosa lista na habe plu alo nima pro plu meno e plu di, mu es ci.

Plu Meno

Meno-mo Januari Meno-septi Juli

Meno-bi Februari Meno-okto Augusta Meno-tri Mars Meno-nona Septembra

Meno-tetra Aprili Meno-deka Oktobra

Meno-penta Mai Meno-mo-mo Novembra Meno-sixa Juni Meno mo-bi Decembra

Plu Di

Di-mo Dominika-di. Di-penta Jovis-di

Di-bi Luna-di Di-sixa Venus-di

Di-tri Mars-di Di-septi Saturna-di

Di-tetra merkuri-di
Simi poli natio-lingua Glosa habe plu sinonima. Vide un artikla de plu sinonima de Glosa in PGN numera 85, pagina 6. Es fo oligo sinonima in Centra Glosa 1000; e si tu ne volu limita se a Centra Glosa tu pote uti vora alo fago. Vora es Centra Glosa, id veni ex Latino radi voro ( to eat) exempla; in Englanda lexi Voracious, e in plu internatio lexi exempla: Karni-vora (meat-eating), Herbivora (plant-eating), Omni-vora (eating all things – animal and vegetable), Insekti-vora (insect-eating), Vermi-vora (worm-eating), etc..

Ultra Glosa 1000 tu pote uti fago. Fago veni ex Greko radi phago (to eat) exempla in plu lexi Mikro-fago (eating-little), poli-fago (eating a lot), fago-kito, (eating-cell – ie. a blood cell that ‘eats up’ bacteria), esofago (tube through which food passes from the mouth to the stomach), sarko-fago, (flesh-eating – the coffin was made of a certain type of limestone thought by the Greeks to comsume flesh, hence a sarcophagus a stone coffin.) ,antropo-fago (human-eating – cannibal).

Simi tu Gareth, mi es zelo hortikulti-pe. Tu grama sti memo mi de mi proto introduce a Glosa; mi plus-co, pa fru logi plu semani de plu fito-nima. E Hogben e Clark pa habe un amusa mode de explika plu interese brevi stori de plu-ci fito-nima. Ja, in Glosa na grafo mu fonetika. Vide un artikla Lingua de plu Fito in u-ci PGN.
Q. Karo plu ami,

Mi doxo; u munda pote existe minus plu internatio auxi lingua; id nu habe u fo mega ge-uti lingua – u lingua de Cina. Ka-co; mi doxo; na ne volu ali internatio auxi lingua. Mi ski; u lingua de Cina es u maxi gravi lingua in na munda. U-ci lingua ne pa gene mega difusi kausa pe pa kredi; Cina es u kontinenta inter plu oceani; e ka-co mu pa gene vikto de solo plu nu-di loka de austra Cina. Nu-di id es fo facili de grafo Cina-lingua per puta-me. U gramatika de Cina-linga es facili; posi ma facili de u lingua de France.

Un hetero kausa u munda ne volu ali internatio auxi lingua es; nu-di cirka 917 internatio auxi lingua existe; e plus-co, na habe u problema kausa id posi es solo un amusa-ra de solo plu pluto-pe.

Sr. Kari Mallat,

Lempaala, Suomi.

R. In PGN, ex kron a kron na pa grafo oligo artikla de plu facili-ra de gene sko de Cina-lingua. E de plu-la simi-ra de id struktura e de u struktura de Glosa. Exempla: ambi bi-ci lingua habe pusi centra lexi-lista e zero flexio. E mu evita plu longi e komplexi frase. Anti-co, na zero-kron doxo; Cina-lingua es sati gru de es un Internatio Auxi Lingua. Posi oligo Glosa-ami in Cina fu reakti ad u-ci idea. Qo tu doxo? Qe u Cina-lingua es ma facili e ma gru de Glosa?

Tu doxo; un IAL es no-nece kausa tu dice 917 IAL nu existe! Solo oligo mu reali gene uti, qe? Kausa plu pre tenta de face u gru IAL pa fali; id ne es logika de doxo; Glosa, plus-co, fu fali.

Poli-pe pa dice; plu makina qi pa habe ma bari de aero zero-kron sio pote peti.

1903 plu Wright fratri akti u proto peti. Plu nova-papira-pe pa monstra zero interese de id. U peti pa gene vide per solo tetra andro e mo an-fili.

1906 u redakti-pe de u Times nova-papira pa grafo; “panto fu-tenta de face u peti-me es; ne solo perilo ad bio de homi, sed mu sura fu fali. U-ci es akorda u dice de plu experti-pe.” Sed:

1926-34 Sr. Whittle pa lukta de gene auxi pro developo de an inventi – u Jet makina. E tem 1969 Neil Armstrong pa landa epi luna.

Poli persona plus-co, pa ridi tem dice; plu fo bari vasa ne sio pote plankto epi mari.

Veri plu proto tenta de aeroplana e navi pa fali; e ka-co, poli pe pa ridi. Anti-co, plu inventi-pe pa gene profito ex mu plu fali; e fini-co, mu pa sucede. Simi-co, mi doxo; Glosa pa gene profito ex plu pre tenta de un internatio auxi lingua; e seqe-co, id fu dura gene vikto. Mi sugesti; tu stude Glosa; e po-co, decide auto si Glosa es u facili e boni mode de internatio komunika.

Glosa es un internatio auxi lingua; e plus-co, id ofere poli eduka profito; seqe-co, iso tem tu kura stude id; tu fu gene sko de plu hetero-ra; so, u-la stude-tem ne sio es gene disipa. Tu auto pote elekti si tu volu juga ko plu-la persona qi dice de plu lingua; alo jugo ko plu-la persona uti Glosa e auxi te difusi id ma lati.
Q. Mi doxo; na nece habe u ma mega qantita de literatura ge-grafo in Glosa. Mi auto; dura fo amo de translati plu stori ad in Glosa pro plu juve-pe. Mi sio amo audi ex ali Glosa-ami qi volu akti u-ci. Po-co, mi pote kolekti plu-ci stori ad alelo; te ofere mu per Inter-reti.

Robin Gaskell,

rgaskell@zeta.org.au

Cabramatta, NSW. Australia.



R. Karo Robin mega gratia de tu dura auxi difusi Glosa. Ja, akorda! Plu juve-pe stori es fo ge-amo per oligo Glosa-pe; inklude plu juve-pe e plu ma-paleo-pe. Sura, u nece pro ma mega qantita literature du kreske; e plu Glosa-ami petitio id de poli tema inklude plu brevi stori.

Id es ka-co, na pa inklude plu brevi stori in PGN ex kron a kron. Sr. Gary Miller e an Glosa famili in USA freqe translati plu-ra ad in Glosa. An nu-pa bali brevi stori; vide id in epi pagina 7 de u-ci PGN.



Lingua de plu Fito

In internatio nomenklatura singu fito e zoa habe bi nima. Nima-mo es u famili nima; e nima-bi es u speci nima. Nima-mo es freqe u Greko lexi. Nima-bi, qi freqe es u deskribe nima; freqe veni ex Latino.

Exempla: Alyssum Cruciferae alpestre. Alyssum es Greko. Cruciferae es Latino (semani Eng. cross-bearing). Plu flori habe tetra petali in forma de u kruci. U-ci fito es membra de Keiranta famili. (Wallflower family). E ‘alpestre’ dona ma info; u-ci speci fito veni ex plu ma baso Alpi monti de Centra Europa.

Panto-ci internatio fito-nima ne habe solo plu longi nima minus ali semani; mero mu, exempla Alyssum gene mu nima kausa de mu terapi profito. Mero mu exempla, Myosotis gene nima kausa de u morfa de mu folio, flori, frukti alo sperma.

Plu hetero fito-nima, exempla Gardinia, veni ex nima ex id ur-detekti-pe Dr. Alexander Garden.

Ci es plu hetro exempla de oligo fito nima:


Proto fo-melano lexi es fito-nima in Glosa.

Eng. signifi brevi pro Englanda-landa lexi.


Akantopanax Veni ex bi Greko lexi (akanta Eng. Thorn e Panacea, heal-all) U nima refere a plu terapi profito de Panax ginseng.
Ageratum Greko (a- Eng. not e -gera age). Plu flori dura pro longi tem.
Alisum Greko (a- Eng. not, e -lyssa mad). Pe pa dice; u-ci fito pa es fo funktio terapi anti Rabies.

In Centra Glosa 1000 na uti rabi (mad, rabid, crazy). Ka-co, Lisi (Eng. to separate, lysis) ne fu gene konfusi ko liso (mad); qi pe detekti in ma mega Glosa 6000 lexi-lista.


Antirinum Greko (anti- Eng. like e -rhis snout.) Greko anti pa habe bi semani ‘against’ e ‘like’. In Glosa na uti solo u proto e maxi komuni semani.
Aqilegia Latino (aquila Eng. eagle). U morfa de plu petali feno simi u rostra de un aqila.
Argiroderma Greko (argyros- Eng. silver e -derma, skin). Plu folia de u-ci fito habe leuko-argenti kroma.
Aster Greko (astro- Eng. star-shapped). Plu flori habe astro-morfo.
Astilbe Greko (a- Eng. without, not e -stilbo light, brilliance). Plu flori es fo pusi; e mu ne dona mega monstra.

Azalea Greko (azalea Eng. dry). Strano kausa poli speci Azalea ne amo fo siko tera; u-ci es kausa de mu no-baso radi-sistema.
Begonia U-ci fito gene id nima ex Michael Begon (1638-1710). An pa es Governo-pe de France Kanada.

Belis Latino (bellus Eng. pretty). Id veri habe u fo beli flori.
Budleia Ex Englanda-an Rev. Adam Buddle (1660-1715).
Cianotis Greko (kyanos Eng. blue e -otis an ear). Refere a plu pusi ciano petali.
Daktiloriza Greko (dactylos- Eng. a finger e -rhiza a root. Plu-ci Orkidi habe plu digo-morfo radi.
Dalia U-ci fito gene id nima ex Dr. Anders Dahl (1751-1789); an pa es botani-pe ex Sverige.
Delfinium Greko (delphis Eng. a dolphin). Plu flori habe feno de penta delfini.
Digitalis Latino (digitus Eng. a finger). U-ci refere ad plu morfo de plu flori.
Drosera Greko (droseros Eng. dew). Kron pe skope plu folio id semblo; mu es ge-tegu per lamina de drosa.
Epidendrum Greko (epi- Eng. on, upon e -dendron a tree). U-ci epifito kreske epi plu rami de u dendro.
Eritrina Greko (erythros Eng. red) U-ci arbusta habe plu rubi flori.
Eukaliptus Greko (eu- Eng. well, good e -kalypto to cover). Refere a kalici qi forma u tegu supro plu flori.
Filipendula Latino ( filum- Eng. a thread e -pendulus hanging downwards). Refere a plu fi qi nexu plu radi.
Fritilaria Latino (fritillus Eng. a dice box). Refere a plu “fritila” marku epi plu flori.
Galantus Greko (gala- milk e -anthos a flower). Plu flori habe leuko kroma, simi lakti.
Geogenantus Greko ( geo- Eng. earth -genea- birthplace e -anthos a flower). Plu flori de u-ci fito gene nati fo proxi libela de u tera.
Gladiolus Latino (gladius Eng. a sword). Plu longi folio habe morfo de plu gladio.
Heliantus Greko (helios- Eng. the sun e -anthos a flower). Plu flori tropi a heli.
Herniaria Greko (hernia Eng. a rupture). Ge-nima kausa pe pa doxo; u-ci fito pa habe plu terapi profito.
Hidrangea Greko (hydor- Eng. water e -aggos a jar. Refere a plu frukti; mu habe forma de plu tasa.
Hiperikum Greko (hyper- Eng. above e -eikon a picture). Pe pa pende u-ci fito supra plu pikto; te alexi se anti plu kako spiritu.
Iris Latino (iris Eng. rainbow, Greko -idos). Iris pa es u fe-teo e un iris; qi pa nexu Geo ko plu hetero munda.
Kalaminta Greko (kallos- Eng. beautiful e -minthe Mint).
Kalendula Latino (calendae Eng. first day of the Roman month). Id refere ad longi flori-tem. Id pa flori singu meno de anua in plu ur-religio-horti; seqe-co, u pe pa kolekti plu flori te loka in religo-do holo anua.
Kaluna Latino ( kalluno Eng. to cleanse). Pe pa face plu brosa ex u-ci fito.
Kampanula Latino (campana Eng. a bell). Plu flori habe morfo de plu pusi kampani.

Keirantus Greko (cheir- Eng. hand e -anthus Eng. a flower). Pe pa uti plu-ci flori in plu manu flori-fa.
Krisoantemum Greko (chrysos- Eng. gold e -anthos Eng. flower). U Mediteranea Chrysanthemum coronarium pa habe u kriso-xanto kroma; e pe pa uti id in plu flori kefa-z; te alexi mu ex plu mali-spiritu.
Koleus Greko (koleos Eng. a sheath). Refere a plu stamina-fi qi gene unio ad in tubi peri u stilo.
Konvolvulus Latino (convolva Eng. to twine around). U-ci fito volve se peri plu hetero fito e mura.
Kordiline Greko (kordyle Eng. a club, mace). Oligo speci habe plu mega kordila-morfo rizo.
Krasula Latino (crassus Eng. thick, fat). U-ci fito habe plu paki folio.
Lavendula Latino (lavo Eng. to wash). Pe pa loka uti u-ci fragra flori in aqa tem lava plu vesti; e uti id in plu sapona e plu hetero kosmeti-ma.
Leptospernum Greko (leptos- Eng. slender e -sperma a seed). U-ci fito habe plu steno spora.

Leptospermum skoparium Latino (scopa Eng. twig, broom), signifi simi u brosa. U-ci es New Zealanda Tea Tree, alo Manuka. Tea tree oleo e manuka meli habe terapi profito.
Miositis Greko (myos- Eng. a mouse e -otos an ear). Plu pusi folio ko poli brevi kapila es simi plu oti de mio. Mio plus-co, signifi muskula. Si tu tensi e no-tensi tu braki plu kine muskula es simi plu pusi mio kine infra derma.
Nigela Latino (niger Eng. black). Plu sperma de u-ci fito es melano.
Nolana Latino (nola Eng. a small bell). Refere a forma de u korola.
Osmantus Greko (osme- Eng. fragrance e -anthos a flower). Plu flori de u-ci fito habe forti fragra.
Oxalis Greko (oxys Eng. acid, sour). Plu folio de u-ci fito gusta fo akidi.
Pasiflora Latino (passio- Eng. passion e -flos -flor a flower). Plu mero de u-ci flori pa gene kompara de krucifixa de Kristo. Tri stilo representa tri aku epi kruci. Penta anto representa penta vulne de Kristo; e u korona representa u korona de plu akanta.
Pelargonium Greko (pelargos Eng. a stork). Plu lepto frukti es fo simi u rostra de u cikonia.

Potentila Latino ( potens Eng. powerful). Refere a plu terapi profito.
Pulmonaria Latino (pulmo Eng. the lung). Pe pa uti plu folio te repara pulmona-pato.
Pirakanta Greko (pyr- Eng. fire e -akantha a thorn). U-ci fito habe plu akanta e poli koku iso rubi de piro.
Ranunkulus Latino (rana Eng. a frog). Simi u rana u-ci fito amo vive in plu aqa-lo.
Rododendron Greko ( rhodo- Eng. red e -dendron a tree). U rosa-dendro, u dendro ko plu flori simi u rosa.
Salvia Latino (salvas Eng. safe, well). Refere ad plu terapi profito.
Siringa Greko (syrinx Eng. a pipe, tube). Plu kauli de u-ci fito es longi e koelo.

Tropaeolum Greko (tropaion Eng. a trophy). Pe pa uti u-ci fito epi trunka de u dendro in agri de milita. Plu ciklo folio pa representa plu pelta de plu anti-pe; e plu rubi flori pa representa mu ge-hema alexi-kefa-ve.
Utrikularia Latino ( utriculus Eng. a little bottle). Refere a plu pusi kisti qi plu kapti plu aqa bio-ra.

Veronika Ge-nima ex Saint Veronika.
Vinka Latino (vincio Eng. to bind). U-ci fito kresce e volve se per plu fragma, mura, dendro e plu hetero fito.

Kura pro plu Fito

Pro poli persona u proto experie mu habe de kura pro u fito es kron mu gene mo pro dora.

Es tri duce speci persona qi merka plu fito.


  1. U persona qi merka id pro idio dora. Exempla posi pro mu tanta; qi es in pato-do; alo pro fe nati-di. E pe dice a se; O! mi fu merka u kali domi-fito pro mi karo tanta.

  2. U persona qi amo visita plu mega horti-centra alo fito-bo; e qi dice a se, O! mi fo amo u-la fito; mi ski zero-ra de id alo komo de kura pro id; anti-co id feno ta kali; mi fu merka id.

  3. U persona qi habe mega interese de plu fito e horti-ergo; e qi stude u-la tema. U-ci persona decide u maxi gru fito pro u certa loka intra alo extra mu domi. Po-co, mu visita u boni horti-centra e cerka u-la idio fito.

Poli fito qi gene merka ex persona 1 alo 2 posi fu tako lose bio; kausa probabli mu ne gene sati boni kura; alo posi mu gene loka in fo no-gru topo. Exempla; kron u tanta veni ex pato-do ko fe neo fito; fe posi fu loka id in fe sedi-ka. Fe fito posi ne feno fo sani po eko oligo di in fo ge-termo kamera in pato-do. Seqe-co, u tanta fu dona id mega qantita de aqa te sti vive id. U fu-di id feno klu ma no sani; e fe dona id ma aqa. Po-co, fe doxo; posi u fito este frigi; e fe loka id ma proxi u termo-me. Mali-fortuna poli fito lose bio kausa de u-ci “kura”.

Sura panto fito nece habe tetra gravi-ra. 1. Aqa (ne tro mega e ne tro pusi), 2. aero. 3. helio-foto e 4. nutri.

Si tu tende merka plu fito tu proto qestio es; qo-lo debi mi merka mu?

Nu pe vide plu fito in poli speci-lo. Si tu vide mu extra boteka ante benzina-bo alo extra pusi boteka in no-gluko loka ko frigi venti holo di; plu-ci fito ne fu es plu hedo e sani fito. Alo si mu es intra-domi in fo sika e ge-termo boteka u-la plus-co, ne es boni konditio. U maxi boni merka-lo es plu fito-bo, fito-do alo horti-centra. Plu fito in plu-ci loka gene u maxi boni kura e mu veni ex boni proto-lo. Plu-pe qi vendo mu habe boni ski de plu fito e komo de kura pro mu. E kron tu merka plu fito tu fu pote kontinue u-ci boni kura e ski; tu habe u sani fito.

Nu-di id es neo-mode de habe poli amusa tekno-ra e tekno-me. U-ci mode inklude plu horti-ra. Exempla; id es sti mira de vide poli-speci tekno-ra solo te auxi tu dona aqa a plu fito. Es plu-la aqa-dona sistema qi soni kron tu fito volu aqa. Alo plu-ra in forma de plu pusi-pe; e mu plu oku gene lumi. E plus-co, es plu pusi kerami-va in forma de bio-ra; tu ple mu kon aqa; qi lento debi gene-absorba ad in edafo. Plu-ci ra freqe uti mega spaci in fito-va e sto u fito expande trans holo vasa. E plu fito freqe ne gene sati aqa kron mu volu id. Sura id ne es mega turba de fusi aqa epi fito kron un edafo eske tro sika,qe?

Poli domi kamera es tro sika e tro termo pro poli speci domi fito. Exempla; Viola es u fo populari domi-fito; sed te vive fo sani; id volu eko in humidi-lo. Oligo-pe loka mu in balno-ka; sed id es humidi ci; tem tu uti termo aqa; po-co, un humidi konditio tako kade.

Si panto fito de u munda pa lose bio; na munda na nu ski; sio es fo hetero. Zero flori, zero sperma, zero fito. Si panto mu lose bio; na fo brevi tem po-co, fu sio lose bio. Plu fito es ma nece a na; mu es klu ma gravi a na de na es kon alelo; si na lose mu; na lose panto-ra.

Seqe-co, si tu volu merka u fito te loka in u certo kamera de tu domi; cerka u gru fito pro u-la kamera konditio. Homo-co, si tu gene u dora de u fito; cerka ma info de id; e seqe-co, loka id in u maxi gru topo. Si tu akti u-ci, tu fito fu eko fo sani e dona a tu mega hedo tem poli anua.



Fo Voci!

Ka munda nece Glosa


Fo voci! Fo voci!

Nu plus mo kron! Fo voci!


Lase; na nu lose kord!

Lase; na nu strepto kord!

Aj-da-da, aj-da! Aj-da-da, aj-da!

Lase; na nu lose kord!


U-ci posi es u maxi ge-ski Rosija kanta in na munda. In mi bibli qi tena u-ci kanta; pe grafo: “Es uno-ra; qi kapti un imagina, in id tristi melodi. Id sti simpati pro plu tro-ergo pove-pa de Rosija societa; qi gene kondemna homo dulo iso deino de kope-ka in paleo-Roma navi.”

Pre oligo meno, mi pa es aktivi ko plu Rosija-pe. Mu pa veni a mi civita in Boreo Dakota, te akti mero de ergo-kambio programa. Mi pa grafo a Wendy de plu-ci aktivi; e fe pa petitio mi de translati uno-ra ex Rosija literatura pro posi publika in PGN. Seqe-co, mi nu-pa translati u-ci u-ci brevi kanta, “Fo Voci!”; e plus-co, u brevi ju-pe stori ge-nima “U limo-nasa Kapri”.

Rosija lingua pan-kron sti fobo mi. Ja, id es u fo kali lingua – sed id es no-facili! Mi freqe nece uti id tem ergo ko fugi-pe ex xeno landa; qi ski u-ci lingua ma boni de u lingua de Englanda. Mi pa dona a mu penta sko de Englanda lingua. U-ci kron pa es u kron bi; mi pa dona auxi ko u-ci ergo-kambio programa. Panto-tem mi memo; mi ski de Rosija lingua gene ma-mali! Tende tena mi ski de Rosija lingua, mi nece praxi minimo tem mo horo singu di; sed - mi ne habe mo horo singu di! Mi habe bi speci ergo; freqe mi ergo-di dura mo-mo horo. E mi freqe praxi ko musika-ru. Glosa nece solo mo-penta minuta singu di. Mi pa nota; mi auto stude tem es de akti no-facili translati. Id es ma facili de no-memo de plu gramatika-fini de plu lexi e tenta uti mo lexi pro mo idea. Glosa pre-nu akti u-ci!

Qe “plu tro-ergo pove-pe” kanta es mira? Plu Glosa-pe ski; Glosa es u ma boni solve; pe detekti epi panto-la navi. Glosa-pe; fo voci!

Gary Miller, Mandan, USA.

U Limo-nasa Kapri

U feri-histori ex Rosija

Translati ex Gary Miller
Uno-di, pa es u patri; an pa habe tri fe-fili. An dice a mu; “mi fili: dice a mi; vi pa habe qo sonia tem noktu? Kausa mi habe ski; panto-ci sonia fu gene reali.”

U maxi paleo fili pa dice; “mi pa sonia; mi pa gene u regi-fili homo sponsa.”

“Boni!” – u patri pa dice.

U meso-paleo fili pa dice; “mi pa sonia; mi pa gene u milita-cefa homo sponsa.”

“Boni!” – u patri pa dice.

U mini-paleo fili pa dice; “mi pa sonia; mi pa gene u limo-nasa kapri homo sponsa.”

“Forti mali!” – u patri pa dice. “Tu nece resta in na domi e nuli-kron ki ex id; hetero-co, tu sonia fu gene reali.”

Anti-co, u mini-paleo fili pa amo de es ko natura; e fe ne volu resta in domi. Uno-di, tem fe pa es extra fe domi; u limo-nasa kapri pa dromo a fe; an pa kapti fe; e pa sume fe in an auto domi. An pa volu fe de es an auto sponsa.

U gina este tristi kausa; fe nu-fu habe u limo-nasa kapri homo sponsa. Anti-co, fe pa face u maxi boni-ra de u-ci situ; ka-co, fe pa frika an nasa singu tende auxi; an sio habe ma kali feno.

Uno-di, u grega de magika anseri pa peti supra fe. Fe pa voci dice a mu; “magika anseri, qe vi ski; komo es mi sibi?

“Ja.” – mu pa reakti. “U maxi-paleo sibi de tu nu-di gene regi-fili homo sponsa.”

Fe pa dromo ad auto domi te vide u-la game-ritu. Anti-co, fe fu-sponsa, u limo-nasa kapri, veri es un andro in magika kapri-vesti. An pa apo an vesti; e po-co, pa dromo ad game-ritu; ma tako de fe. Tem fe pa este hedo; de es ci in game-ritu, u-ci andro kanta dice; “tu nece game u limo-nasa kapri; tu nece game u limo-nasa kapri!” Fe pa gene tristi; e pa ki versi. Anti-co, un andro pa ki versi; ma tako de fe. Po-co, an pa re-moti u kapri-vesti epi se. Po ki versi, fe pa apo limo ab nasa simi fe panto-kron pa akti.

Uno-di, u grega de magika anseri itera pa peti supra fe. Fe pa voci dice a mu; “magika anseri qe vi ski; komo es mi sibi?”

“Ja.” – mu pa reakti. “Tu ma-juve sibi nu-di gene milita cefa homo sponsa.”

Fe pa dromo ad auto domi te vide u-la game-ritu. Anti-co, fe fu-sponsa itera, pa apo an kapri-vesti; e po-co, pa dromo ad game-ritu; ma tako de fe. Tem fe pa este hedo; de es ci in game-ritu, u-ci andro kanta dice; “tu nece game u limo-nasa kapri; tu nece game u limo-nasa kapri!” Fe pa gene tristi; e pa ki versi. Anti-co, un andro pa ki versi; ma tako de fe. Po-co, an pa re-moti u kapri-vesti epi se. Po ki versi, fe pa apo limo ab nasa simi fe panto-kron pa akti.

Uno-di, u grega de magika anseri itera pa peti supra fe. Fe pa voci dice a mu; “magika anseri, qe vi ski; komo es mi sibi?”

“Ja.” – Mu pa reakti. “Vi sibi volu; tu nu-di ki a mu domi; te akti tu game-ritu ko tu limo-nasa kapri.”

Fe pa ki ad fe famili-domi te gene game. Anti-co, fe fu-sponsa pa apo an kapri-vesti; e po-co, pa dromo ma-tako de fe a mu game-ritu. Tem fe pa este hedo; de es ci in game-ritu, an pa kanta dice; “tu nece game u limo-nasa kapri; tu nece game u limo-nasa kapri!” Fe pa gene fo tristi; e po-co, pa dromo versi – ma tako de pre.

Po ki versi; fe pa vide fe sponsa minus an kapri-vesti e minus an limo-nasa – an ne es u no-kali feno andro. Po-co, mu pa fru u fo hedo bio kon alelo.

Glosa Epi Inter-reti

Boni plu nova! Na habe u neo Glosa membra, Carmelo Mico. An nu-pa grafo brevi info de Glosa in Italiano e Espanol. Mi pa adi plu pagina de bi-ci gravi lingua epi Glosa Inter-reti eko-lo. www.glosa.org

Marcel Springer

Hamburg, Deutschland.


Karo Marcel,

Mega gratia a tu e Carmelo de auxi difusi Glosa a plu-la persona qi matri lingua es Italiano alo Espanol. Komo tu ski; na habe Espanol-Glosa 1000 bibli; sed a-nu zero Italiano bibli. Mi es fo hedo de vide plu Italiano pagina; mi logi mero Italiano e fo amo uti id tem viagia in kali Italia.

Na Espanol bibli tena 2000 Espanol – Glosa 1000 lexi-lista; plus-co, poli exempla frase in Espanol e Glosa e u brevi translati.

In PGN numera 41; na pa inklude translati ex Don Qijote e plu Venti-Molina. E in PGN numera 40, na pa inklude Plu Glosa-Italiano Mekani; e brevi textu de bio de Dante in Italiano e Glosa.

Kaso de oligo neo Glosa-pe ne pa vide u-ci PGN; ci es u brevi mero ex U Divina Komedi. Posi, Marcel, tu sio amo adi id a tu Inter-reti eko-lo.

Kausa u-la artikla in PGN 40 pa es de Italiano e Latino; Ron pa uti poli Latino-Glosa lexi vice plu Greko lexi. An pa apo oligo fini vokali tende tena u ritmo.

Wendy Ashby


U Divina Komedi

Ex Dante Alighi eri

Translati ex Ron Clark.
Semi-via epi viagia de na vita

Mi pa trova se intra silv obskura,

Ka u rekti via pa gene lose.

No-facili dice; qod id pa es.

U-ci horido silv, asper, sever,

Pensi de id re-nova un horor!

Tanto amer, qe mort es poko ma?

Sed te trata de boni mi pa trova la.

Fu dice de plu altri kosa mi pa vide la.

Ne pote re-dice komo mi pa entra la;



Pa es tanto ple de somni u-la momenta;

Kron mi pa abandon u veri via.


Elŝuti 60.5 Kb.

  • U lingua de St. Lucia
  • Kweyol in St. Lucia
  • Oligo Kweyol lexi
  • Exempla: “te” = pa; “ka” = nu; e “kay” = fu. Mw_ te-ale = Mi pa ki.

  • Elŝuti 60.5 Kb.