Unua paĝo
Nia teamo
Kontaktoj
Pri ni

    ĉefpaĝo


Lavengi lista

Elŝuti 31.9 Kb.

Lavengi lista




Dato23.03.2017
Grandeco31.9 Kb.

Elŝuti 31.9 Kb.




LAVENGI LISTA



Aktivipe (vaj zumavipe)

O aktivipe si o specifiko kotor ande jekh butĭ so si te pherel pe. Tipikalo dikhel pe lesko durutnipe, leske pokinimata /kośti/ taj trubun paśa leste vi xainga. O lav aktivipe pinźarel pe vi sar zumavipe. E aktivimatange produkte si e pherimata.

Telărimaske adatura

Adatura /podatke/ (informacia) pala i situacia so si angla projektosko śird /starto/. I telărimaski informacia butivar kidel jekhe rodimasa, so kerel pe angla jekh intervencia (projekto). Kadi informacia dikhel pe kana kerel pe monitoring taj kućaripe, kaj te dźanel pe so nevo areslas i intervencia (projekto).

Baxtărde dźene

E manuśa save len vorta /direkt/ laćhimata, profitura katar o projekto vaj programo. Pe lengi bax’ kerel pe, kodolestar si von e baxtărde dźene.

Maj laćhe praktike

Jekh aktivipe vaj projekto so butivar si pinźardo sar jekh programo so vazdel bare standardura pala jekhe butăko ćaćvaripe. Kadala si modelura vaj praktike, save sikade rezultatura/efekto berśenca.

Pherimata

Agor, rezultato, vaj kotor, so śaj mezuril pe /merinel pe/, astarel pe, ćaćvarel pe taj so si te biandŏl pala jekhe projektosko (vaj jekhe projektosko kotoresko) pheripe.

Efektajvipe

sikavel tuke, ke e xainga so des ande jekh butĭ si but vaj na kana dikhel pe save agordimata, rezultatura biandŏn katar o projekto. E xainga śaj aven love, vaxt/vrama/, butărra, apparato, tmd.

Efektalipe

O efektalipe sikavel sar jekh dźamavimasko/laćharimasko programo vaj projekto aresel peske specifikone objektivura vazde.

Xakajipe

O xakajipe si o peravipe e socialone na-jekhunimasko taj kodolestar si vi o peravipe e socialone segmentaciako po nivelo e pokinimasko, e lingako (e dźuvlango), etnikane grupako vaj nesave avere faktoresko. E xakajimasko vazdipe ande e siklarimaske rezultatura si o angluno objektivo e REF-esko.

Indikatora

O indikatoro śaj mezuril pe /merinel pe/ vaj si vareso konkreto so sikavel, ke vareso kerdas pe. Misalake /ekzamplo/ e studentongo numero, save nakhen jekh ekzamo, si o indikatoro, ke e siklimaski taj e siklarimaski kultura si maj laćhi/laćheder. O labno /instrument/ e ćaćvarimasko si i formalo lista sa e nakhimatange.

Input

Maj but xainga (butărra, love, than, projektoske baxtărde dźene) so anen pe khetane kaj te aresen pe e projektoske objektivura.

Efekto

E baxtărde dźenenge lungone vaxteske /vramake/ rezultatura, ke o projekto parudas e manuśenge praktike, dźanipe taj phiravimata. O efekto jekhe projektosko butivar perel pe pala e projektosko agor.

Siklipe phiravimastar

So siklos kana kerel pe o projekto, vaj kana si kondź /gata, gotovo/ o projekto, taj so siklilan inkres ande jekh dokumento, kaj te des informacia, so gelas śukar taj so śaj laćhardanas. O siklipe phiravimastar sikavel o drom angle e neve projektonge.

Objektivo

O objektivo si jekh konkreto phenipe so sikavel so kamel te aresel o projekto. O baxtagor /sukceso, uspeho/ jekhe projektosko dźanel pe, kana e projektoske objektivura si pherde. Jekh texnika pala sar te lekhes /ramos, iskiris, piśines, irines/ o objektivo si, te dikhes, kaj te avel specifiko, te śaj mezuril pe, te śaj ćaćvarel pe, te avel ćaćuno taj kerdo pe vaxt /vrama/. Kodi texnika buśol /vićinel pe, vikinel pe, akharel pe/ SMART englezicka.

Śajunimasko naśavipe

Śajunimaske pokinimata si e śajunimata save iklŏntar katar tě vast, ke les i decizia te keres vareso aver. Misalake /ekzamplo/ tu pokines tě lóve te siklares e siklarren /sikavnen, ućitelon, tanaron/ taj naśaves o śajunipe te kines pe kodola love tekst puśtikelină /knĭga, kenyva, kliśka/. Aver misal: o ćhavorro so ći phirel ande śkola naśavel o śajunipe te rodel peske love.

Output

O agorutno rezultato jekhe procesosko. E outputura si e produkte ćhindŏn katar e inputongi taj e procesongi kombinacia, sar o numero e beśimatango, e raportongo so kerdĭle, e dadengo taj dejango inkeripe tmd.)

Agordimata

O agordipe si, so pe tĭre intervenciako agor kames te paruves e baxtărde dźenenge aćhara, praktike, lengo dźanipe. I laćhardi performanca pe e śkolange ekzamura si o agordipe katar o trening programo e siklarrengo (input) taj e neve siklarimaske praktikango so labăren pe /hasnin pe, juzisaren pe/ ande klasaki livni /soba/.

PIP1 (Projekt Implementaciako Plano)

Generalo plano savesa arakhen pe e projektoske agordimata taj indikatora. Sar tě projektoske objektivura bolden pen pe agordimata taj indikatora (khatar lengo labăripe). O REF del i propozicia te den palpale pe e avinde pućhimata, kana pheren o PIP1: Savo paruvipe /promina/ avela? So baro avela o paruvipe? (si te dikhen e telărimaske adatura kana den palpale pe lende) So baro vaxt /vrama/ trubul, kaj te resel pe o paruvipe? Sar te mezurin pe e indikatora?

PIP2 (Projekt Implementaciako Plano)

Generalo projektosko plano so inkerel sa e aspektura e projekt menedźmentesko ande i faza e preparaciaki, definiciaki, planuisarimaski taj implementaciaki. O plano dokumentuil sar pherel pe o res /cilo/, sikavel e aktivimate xurdes, taj ko si godorvalo/-i /responsibilo/ pala soste ande projekto. Kado sikavel vi e pherimata taj o budźeto ulado pe sako jekh aktivipe.


Strategia

Akciango plano so si adoptuime khatar jekh dźeno/-i, grupa vaj raipe /vlada, kormanŏ/, vaj jekh specifiko decizia, vaj deciziango burnik, savenca kamlŏl te ćaćvaren pe e akcie.

Proceso

Aktivimatangi burnĭk (misalake trening, sevimatango dinipe) pe soste ankalavas amare xainga, kaj te aresas e rezultatura.

Plano pe labnengo kinipe

O proceso, kana das godĭ save therimata, labne /instrumentura/ taj sevimata /servizura/ trubul te kinas vaj te las avral katar i organizacia taj sikavel e xurdimata pala save labne, sar taj kana te kinen pe.

Programo

Projektura save phanden pe jekheste taj si menedźime jekhetane.

Projekto

Maj but aktivimata save phanden pe khetane, kaj te pherel pe jekh jekhetano objektivo vaj maj but objektivura, kaj si les konkreto śirdimasko /startuimasko/ taj agordimasko datum.

Kvalitativo adato

Kvalitativo adato /podatke/ vaj informacia sikavel sar e manuśa hatăren karing varesoste, vaj lenge dikhimata taj phiravimata. O kvalitativo adato śaj paruvel pe ande kvantitativo adato kana kerel pe analiza.

Saranipe

O saranipe si, kana alosaren pe nesave projekt participantura vaj baxtărde dźene, ke o projekto naśtig te astarel sako jekh suro khetane. Kadale dromesa arakhel pe, kasa te del pe duma, kasa te kerel pe o interju, taj kasa te kerel pe pućhimari kana kerel pe o kućaripe.

Buhlaripe

O buhlaripe si, kana jekh projekto lel kerel pe cerra/xari baxtărde dźenenge, taj pala kodo kerela pe bute dźenenge. O buhlaripe śaj kerel pe vi horizontalo taj vi vertikalo. O horizontalo aspekto si kana jekh baxtalo nevo projekto replikuil pe, śaj phenel pe, ke e participantone kotorengo numero vazdel pe. O vertikalo aspekto si, kana jekh nevo projekto paruvel pes pe maj uće nivelura e siklarimaske sistemake, xutĭlel/xutrel khetane e institucienge neve nivelura, paruvel pe o thamăripe /legislacia/, nevikanes kerel pe o budźeto, paruvel pe e manuśengo dikhipe, e aźukarimata taj o siklarimasko menedźment. O horizontalo taj o vertikalo buhlaripe śaj dźan ande jekheste, ke o vertikalo buhlaripe śaj efektuil o horizontal nivelo, kajso sa maj but kotora inkrel ande peste.

Sekundaro adato

O sekundaro adato /podatke/ si i informacia so ekzistuil, aver dźene, organizacie kidine len. I informacia so tu kidesa, si o elementaro adato – katar aver partnera, i general populacia, tĭri ćaći obzervacia taj maj dur.

Socialo integracia

Kodo si, kana xurdăren pe e na-jekhunimata maśkar e maj palpalde, maj ćorre grupe, kommune taj e dostimaske aver dźene, kajso phandavel pe e śajunimatangi xiv, taj kajso kerel pe sar barr, ke o źutipe aresel kodolende, kas maj zurales trubul.

Interesonge grupe

Varesavo dźeno/-i vaj organizacia, kaj si les/la legitimo intereso ande jekh projekto.

Strukturime, dopaś-strukturime vaj na-strukturime interjuvura

Ande strukturime interjuvura si fiksime e pućhimata, ande na-strukturime interjuvura naj getosarde pućhimata, taj e dopaś strukturime interjuvura phanden khetane v’el duj aspektura, kaj o raporteri dela fiksarde pućhimata no dela paśe vi neve pućhimata, kaj te dźal vi pala e neve rodimaski linea.

Durajvipe

O durajvipe sikavel, ke so dur śaj inkren pe e projektoske aktivimata pala e projektosko agor. Si les institucionalo taj finansialo dimenzie. O durajvipe si te integruil pe ande e iniciativaki strategia katar o śird, kajso e planura -pe i butĭ pala e lovărimasko agor- si paślărde aba angle.

Resadi Grupa:

I specifiko populaciaki grupa vaj grupe pe savengi bax’ kerel pe jekh projekto. Kadi definicia si te inkrel vi o geografikalo than (them, regia, foro, tmd.) kaj beśel e resadi populacia taj vi e berśenge grupan taj o ling.

Triangulacia

I triangulacia si o drom, sarso zurarel pe jekh adato /podatke/ perdal averane xainga, kaj te del pe palpale/te mezuril pe i vipal /isto/ butĭ. Misalake e siklarra, sikle taj e dada, deja te aćharena e direktoros, ke vov si phuterde godăko, kodi informacia atoska si ekzakt, kana vi e siklarra phenen kodo.

Paruvne

O paruvno si o kotor ande’kh situacia so paruvel pe, taj so efektuil o efektalipe taj o efektajvipe taj/vaj o efekto. O gavutno/foraslo beśipe si jekh paruvno so efektuil e terne ćhavorrengo numero, save registruin pe ande śkola. Jekh laćho projektosko plano laćharel peske aktivimata, kaj te len pe sama kadale paruvnengo efekto; e projektoske indikatora si te inkren e paruvnen ande pende.




Elŝuti 31.9 Kb.

  • PIP1 (Projekt Implementaciako Plano)
  • PIP2 (Projekt Implementaciako Plano)
  • Plano pe labnengo kinipe
  • Programo Projektura save phanden pe jekheste taj si menedźime jekhetane. Projekto
  • Strukturime, dopaś-strukturime vaj na-strukturime interjuvura

  • Elŝuti 31.9 Kb.