Unua paĝo
Nia teamo
Kontaktoj
Pri ni

    ĉefpaĝo


Kubo de Paco (parto 1)

Elŝuti 12.22 Kb.

Kubo de Paco (parto 1)




Dato23.03.2017
Grandeco12.22 Kb.

Elŝuti 12.22 Kb.

Kubo de Paco (parto 1)

Paco, kiel ĉio valora, devas esti aplikata praktike por esti komprenita kaj reala. Multaj konsentas, ke la arto konstrui pacon devus esti instruata jam al infanoj kaj junularo – hejme kaj en lernejo. Tiucele estis inventita Kubo de Paco kiu vekis intereson en instruistaj rondoj. La instruistoj iniciatis ĉi tiun projekton, unue en siaj lernejoj kaj poste oni komencis konstrui la pontojn de interkompreno ankaŭ en siaj komunumoj. La ideo devenas de la Fokolar-fondinto Chiara Lubich, honorigita per multaj premioj, i.a. tiu de UNESKO por la Pac-edukado kaj kiel “Defendanto de Paco”en Hindujo.

La kubo konsistas el ses kelkvortaj sloganoj, kaj – kiam ĵetita surtable – ĝi montras sur sia plej alta flanko tiun devizon, kiun oni senhezite praktiku. Kiam aplikata en lernejo, la kubo estas ĉiumatene rulita en klasoĉambro kaj la lernantoj kun sia instruisto devontigas sin vivi la tutan tagon laŭ unu elektita frazo /devizo. Post kelka tempo la travivataj frazoj eniras la vivkutimon kaj transformas negativajn kondutojn al reciproka zorgo kaj helpemo.




Jen la 6 frazoj, kiujn vi povas glui sur la Kubo de Paco

por faciligi harmonian kunvivadon en via medio:




  1. Estu la unua kiu manpremas konkorde

  2. Traktu ĉiun kun respekto

  3. Trovu io bonan en ĉiu homo

  4. Dividu alies ĝojon kaj doloron

  5. Traktu la alian kiel vi volus esti traktita

  6. Pardonu homojn kiuj vin vundis



Kubo de Paco estas produktita en diversaj lingvoj sen ankoraŭ ne kun E-surskriboj. Tamen vi povas fari vian propran kubon tre simple kaj preskaŭ senkoste: sufiĉas nur glui la supre montritaj montritaj ses sloganojn sur iu ligna aŭ plasta kubo. Tre gravas, ke vi ne fermu ĝin sole por E-renkontiĝoj, sed traduku la frazetojn en vian lingvon kaj praktiku en via medio. Ni sugestas, ke vi uzu la kubon pacience (eĉ bonhumore!) dum streĉaj momentoj en via familio, lernejo, socia grupeto ktp. Farante tion de tempo al tempo, verŝajne vi rimarkos pozitivajn ŝanĝojn en la interhomaj rilatoj.

Kio poste? Diskonigu la Packubon inter viaj geamikoj kaj nepre skribu al ni pri viaj spertoj. Se la ideo disvastiĝos ankaŭ per Esperanto, multaj homoj simpatios al nia Internacia Lingvo ĉar ili aprezos ricevi la utilan “pacigilon” pere de esperantistoj.

Atestoj:

En ĉiu mateno unu el miaj lernantoj rolas la Kubon de Paco kaj sur la tabulo mi skribas la frazon trovitan sur la supra kubo-flanko. Ni diskutas la mesaĝon kiun ĝi prezenas kaj pripensas kiel ni povas ĝin praktiki dum la tago. Post la lecionoj ni havas momenton da meditado kiel ni progresas. Mi rimarkis gravan ŝanĝon kiam ĉiu interrilatas kun sia najbara kaj kun la aliaj. Pat Gildard, instruisto de la 2a klaso en Poughkeepsie (NY)



La Kubo de Paco povas esti uzata de individuaj homoj kaj ankaŭ en familio, samkiel en klasoĉambro aŭ inter plenkreskuloj. En la tempo kiam lernejoj ne disponas pri multa mono, tiu projekto avantaĝas ĉar estas tre malmulte kosta. Dum tiuj karakter-formigaj jaroj en bazlernejo, la kubo montriĝas la plej efektiva helpilo por stabiligi etikan konduton kaj altruismajn sintenojn en la vivo de niaj lernantoj. Rosemarie Johnson, socia konsultanto en Toronto (Kanado)

….

Nia lernejo decidis akcepti la Pac-kubon kiel integran parton de la ĝenerala programo. La instruistoj uzas tiun kubon kiel instruilon, kiu ne nur neŭtraligas agresemon, sed ankaŭ helpas praktiki sociajn valorojn.

Lernej-direktoro en Old Bridge (New Jersey)


_____________________________________
Povas esti ke la Kubo de Paco jam ekzistas en via lingvo kaj ke instruistoj komencis ĝin uzi en lernejoj. Se tio

okazas kaj vi sukcesis trovi ilin, ni volonte citos ankaŭ la impresojn pri iliaj spertoj. Tiumaniere la novaj kontaktoj helpos interesigi pli multe da homoj pri Esperanto.


Citta Nuova estas eldonata de Internacia Fokolar-Centro en Italio kaj en multaj aliaj lingvoj /landoj: ARGENTINO – Ciudad Nueva; AŬSTRALIO – New City; BELGIO - Nieuwe Stad; BRAZILO - Ciudade Nova; BRITUJO - New City; BULGARIO - Nov Svjat; ĈILIO – Ciudad Neava; ĈINIO (Hongkongo) - San Sin Seung; DANLANDO - Ny Stad; ESPERANTUJO - Nova Urbo; FILIPINOJ - New City; FRANCUJO - Nouvelle Cite; GERMANIO - Neue Stadt; HISPANIO - Ciudad Nueva /Ciutat Nova (en kataluna lingvo); HUNGARIO - Uj Varos; JAPANIO - Uno; KANADO - Nouvelle Cite; KENIO - New City /Nouvelle Cite; KOLUMBIO - Ciudad Nueva; KOREUJO - Kumul; KROATIO - Novi Svijet; LIBANUJO – Citte Nouvelle; NEDERLANDO - Nieuwe Stad; OCEANIO - New City; POLLANDO - Nowe Miasto; PORTUGALIO - Cidade Nova; RUMANIO - Oras Nov; SLOVAKIO - Nove Mesto; SLOVENIO - Novi Svet; SVEDIO - Enald Varld; SVISLANDO - Citta Nuova; URUGVAJO - Ciudad Nueva; USONO – Living City; VENEZUELO - Ciudad Nueva.


Elŝuti 12.22 Kb.

  • Kubo de Paco

  • Elŝuti 12.22 Kb.