Unua paĝo
Nia teamo
Kontaktoj
Pri ni

    ĉefpaĝo


Historio por Malfermi la Estontecon Moderna Historio de Ĉinio, Japanio kaj Koreio

Elŝuti 0.63 Mb.

Historio por Malfermi la Estontecon Moderna Historio de Ĉinio, Japanio kaj Koreio




paĝo1/6
Dato17.03.2017
Grandeco0.63 Mb.

Elŝuti 0.63 Mb.
  1   2   3   4   5   6



Historio

por

Malfermi la Estontecon


Redaktokomitato de la Lernolibro pri

Komuna Historio de Ĉinio, Japanio kaj Koreio
Esperantigita de Pacamaj Esperantistoj

en Ĉinio, Japanio kaj Koreio

Historio por Malfermi la Estontecon
Moderna Historio de la Tri Landoj en Fotoj



Ĉinio troviĝas en la centro sur la "Kunyu [Kunju] Monda mapo" de Mateo Richi [Riĉi], kristana misiisto en la 16-a jarcento. (Miyazaki [mijazaki] Gubernia Biblioteko)





En la monda mapo farita en Koreio en la 18-a jarcento, Ĉinio troviĝas   centre kaj Koreio dekstre. (Biblioteko de Yeungnam [jeungnam] Universitato, Koreio)





Kun la preteksto de la Yihetuan-Movado en Ĉinio en 1900, 8 potencaj landoj ― Usono, Britio, Germanio, Rusio, Francio, Japanio, Italio, Aŭstrio― formis kombinitan trupon, okupis Pekinon kaj premis la Ĉing- registaron subskribi protokolon. Laŭ la protokolo, Ĉinio devis pagi 45 milionojn da lyang-oj por kompenso, kaj rekoni, ke tiuj landoj konstruu diplomatiajn zonojn protekteblajn per iliaj militaj gardistoj en Pekino. Kaj la Ĉing-regisgtaro ankaŭ konsentis, ke la potencaj landoj havu rajtojn postenigi soldatojn en diversaj lokoj en Ĉinio. La foto montras la ambasadoroj de 11 landoj en Ĉinio kaj LI Hong Zhang [zang] (la duan dekstre en la antaŭa vico), la repezentanton de la Ĉina registaro. La dua maldesktre estas Kimura Jutaro, japana reprezentanto.





En 1910, Japanio aneksis Koreion kaj koloniis ĝin. La Ĝenerala gubernatoro Terauchi [Terauĉi] Masatake kaj ĉefministro Li Wan-yong [Li Ŭanjong] subskribis la traktaton.




En 1895, Japanio venkis en la Ĉing-Japana milito, kaj Tajvano estis cedita al Japanio kaj fariĝis ĝia kolonio. Sed la loĝantaro de Tajvano ne rekonis la pakton kaj vigle kontraŭbatalis dum 5 monatoj. La foto monsras la Kontraŭjapanan Monumenton en Enrao, Tajvano.





Venkinte en la Ĉing-Japana milito (1894-95), Japanio fortigis sian influon en Koreio. En Koreio, la Sendependig-Asocio movadis  por vera sendependiĝo de la nacio kaj reformo. Dongnipmun (Sendependiĝ-Pordego) estas konstruita kaj Dongnipsinmun (Sendependiĝa Tagĵurnalo) ekeldoniĝis.





Venkinte en la Japana-Rusa milito en 1905, Japanio rapide fortigis sian regadon de Koreio. La popolo formis "civilarmeon" kaj kontraŭbatalis. La foto montras la membrojn de koreaj civilsoldatoj, kiuj estis pafmortigitaj arestite de la japana armeo.




Post la anekso de Koreio en 1910, Japanio regis la landon per militpolico. Sed post la Movado de la 1-a de Marto en 1919, la politiko ŝanĝiĝis en "kulturan regadon". Tamen la kontrolo de la ĵurnaloj fariĝis pli forta. La foto montras cenzuritan ĵurnalon kun malplena spaco.



De la Evento de la l8a de septembro ("Manĉuria Incidento") en 1931, la batalfronto disvastiĝis en la tutan Ĉinion dum la Ĉina-Japana milito en 1937, kaj Japanio ekengaĝiĝis en militon kun Usono kaj Britio. Sub la tennoo (imperiestro), kiu komandas la tutan militforton laŭ la konstitucio, la milito estis direktita de la ĉefstabejo. La foto montras la kunsidon de la ĉefstabejo en la ĉeesto de la imperiestro (la centra) en 27 aprilo 1943.





Engaĝiĝinte en la militon kontraŭ Usono kaj Britio, Japanio proponis fondon de "la Granda Orientazia Kunprospera Sfero". Okupinte multajn landojn dum la Pacifika Milito, Japanio fondis pupregistarojn ĉie. En novembro 1943, Japanio okazigis konferencon por elmontri la ideon de “la Granda Orientazia Kunprospera Sfero”. La foto montras de maldekstre: U Bamau, la ĉefministron de Birmo, Zhang [Zang] Jingte, ĉefministron de la pupa Manĉurio, Wang Jingwei [Ŭangjinŭei], ĉefon de la pupa Nankina Registaro, Toojo [Toĵo] Hideki, ĉefministron de Japanio, Wan Waithayakon, la agantan ĉefministron de Tailando, prezidenton Laurel de Filipino, kaj Chandra [Ĉandra] Bos, ĉefon de la Provizora Libera Registaro de Hindio.






Adorkulto al la Tennoa(imperiestra) palaco. En Koreio kaj Tajvano, kiuj fariĝis kolonioj de Japanio, "japaniga politiko" estis forte plenumata ekde 1940. La celo estis japanigi la loĝantaron en tiuj landoj kaj kunlaborigi ilin por la milito. En Koreio, ĉiutage kaj ie ajn en tagmezo, oni devis halti kaj salute klini la kapon direkte al Tokio, kie estas la imperiestra palaco.





En la daŭro de la milito, mankis militmaterialoj en Japanio. Pro tio, diversaj  hejmaj metalaĵoj estis perforte forprenitaj. La foto montras koreajn hejmajn metalaĵojn malproprigitajn de japanoj.



La japana registaro postulis, ke la popolo sindone helpu la militadon. La foto montras propagandantojn kiuj instigas la homojn ŝpari monon en ŝparkonto ĉe poŝtoficejo.




Monto-Pingding-Masakra Memorhalo. Post la okupo de la nordorienta regiono de Ĉinio, la Fushun-karbminejo estis atakita de kontraŭjapanaj gerilanoj en 16 septembro 1932. Por revenĝi la atakon, japana armeo ĉirkaŭis vilaĝojn sur la Monto Pingding, kolektis 3000 vilaĝanojn kaj mortigis ilin ĉiujn per maŝinpafiloj. La ostoj estas konservitaj ĉi tie.




En 1936, japana armeo fondis bakterian trupon en Harbin kaj nomumis Ishii Shiro [Ŝiro] kiel la komandanton. La trupo estis nomata "Manĉuria Trupo 731" kaj oni establis ĝiajn branĉojn en kelkaj lokoj. La trupo 731 enmetis arestitajn kontraŭjapanajn batalantojn en karceron kaj eksperimentis efikon de bakterioj uzante ilin kaj iliajn nekropsiojn. Laŭ la atesto de la eksmembroj de la Trupo 731, almenaŭ 3000 homoj estis eksperimente mortigitaj. La foto montras restaĵon de la kaldronĉambro de la Trupo 731.





La longdaŭra milito finfine finiĝis kaj la Ĉina Popola Respubliko estis fondita en 1 oktobro 1949. La foto montras la gvidanton Mao Zedong kaj liajn samideanojn kiuj proklamas la fondon de la nova Ĉinio (Ĉina Nacia Muzeo)




La 15-jara Azio-pacifika milito finiĝis pro la atombomba atako al Hiroŝimo. La foto montras la urbon Hiroŝimo, kiu fariĝis ruino pro la atombombo. Fotita de Usonano post la atako.




La Muzeo de Atombombo en Hiroŝimo, Japanio (la longa domo malantaŭ la detruita kupolo).




Ĉinpopola Kontraŭjapana Memorhalo





Korea Sendependiĝa Memorhalo.




Malfermi la novan estontecon en Orientazio estas la tasko de la gejunuloj. La 3-a Historia Kampado de la tri-landaj gejunuloj, aŭg. 2004.
Antaŭparolo de la Originala Versio
Konstruu Belan Mondon
  La terglobo vidita de la spaco estas bela en blua koloro. Nia terglobo estas la nura planedo en la sunsistemo sur kiu loĝas vivantaĵoj. Sur la bela astro, homoj reformis la naturon kaj kreis kulturon. La plej grava forto por homaro evoluigi sian kulturon estas literoj. La memorkapablo de homoj estas limigita, sed dank' al literoj nuna generacio ricevas scion de antaŭa generacio kaj aldonas novan scion.

   Sed, homoj ne ĉiam memoras la spertojn de antaŭaj generacioj. Foje oni kaŝas aŭ tute forviŝas la memoron de la pasinteco. Por vivi fiere, oni emas rapide forigi neĝojan pasintecon. Sed atentu: ĉu forigi malĝojan memoron estas ĉiam bone? Ni supozu, ke iu studento falis pro ŝtoneto sur strato, survoje al sia lernejo. Se la studento tute forgesus la aferon, dirante: "Hodiaŭ estas malfeliĉa tago!". Eble li/ŝi ankoraŭfoje falus revenvoje de la lernejo, ĉu ne? Kiam ni bone memoras pasintan malbonon, ni povus eviti ripeti la saman eraron. Ni studas historion por malfermi la estontecon, lerninte de la pasinteco.

    “La Historio por malfermi la estontecon” estas libro pri la moderna historio de Orientazio, speciale pri Ĉinio, Japanio kaj Koreio. La historio de Orientazio en la 19a kaj 20a jarcentoj estas makulita de invadoj, militoj, subpremo de homaj rajtoj, ktp. Sed la pasinteco de Orientazio ne estis ĉiam malluma. Orientazio havas longan tradicion de interŝanĝo kaj amikeco, kaj troviĝas multaj homoj kiuj klopodis por la hela estonteco, transirante landlimojn. Por malfermi pli pacan kaj pli helan estonton sur la bela terglobo, ni devas heredi pozitivajn aspektojn de la pasinteco, sed devas tutkore memkritiki pri la eraroj. Por la estonto de Orientazio, kie paco, demokratio kaj homaj rajtoj estu garantiataj, kion ni povos lerni pere de historio? Ni pripensu pri tio, legante ĉi tiun libron.

   Por verki la libron, partoprenis scienculoj, instruistoj kaj civitanoj de Ĉinio, Japanio kaj Koreio. Dum la pasintaj 4 jaroj, ni ofte spertis malsamajn opiniojn rilate al la hisotorio, sed pere de dialogo kaj traktado, ni sukcesis havi komunan historian vidpunkton kaj nun ni eldonas la libron samtempe en la tri landoj. La tri landoj, historie kaj geografie, havas nedisigeblajn interrilatojn. Sur la malgrandiĝanta terglobo, esperante pli bonan komprenon pri historio kaj pli bonajn interrilatojn kun la najbaraj landoj, ni preparis ĉi tiun libron. Ni esperas, ke la gejunuloj de la tri landoj kune solvos la taskojn kiujn la maljunaj generacioj ne povis solvi, kaj malfermos la novan estonton de Orientazio. Ĉar la libro traktas modernan historion de la tri landoj, foje troviĝs malfacilaj kaj nekompreneblaj partoj. Sed ne malesperiĝu. La klopodado mem por kompreni unu la alian jam donas helan estonton de ne nur Orientazio sed ankaŭ la tuta mondo.


                         Majo 2005
                    La Redaktokomitato de la Lernolibro

de la Komuna Historio de Ĉinio, Japanio, Koreio


Antaŭparolo de la Esperanto-Versio
      Instruo de Historio
   - La plej grava tragedio en la historio de tragedio estas ne

     la tragedio mem, sed forgesi la historion de la tragedio -


     Historio evoluas senhalte. Por evoluigi historion en la direkto dezirinda por la tuta homaro, ni devas lerni la instruon de la pasinta historio. Niaj praavoj ne povas esti ĉiam ĝustaj. Ili ankaŭ povus esti eraraj kion iliaj praidoj ne devas ripeti. Historio instruas al ni kion niaj praidoj devas lerni de ni, kaj kion ili ne davas ripeti.

     Historiaj faktoj estas realoj, kaj nek kaŝeblaj, nek distordeblaj. Sed oni povas intence rigardi nur la ŝatatajn flankojn de la historiaj faktoj, aŭ oni povas rigardi la tutan historian faktaron senkaŝe kaj objektive. Por rigardi la tutan faktaron de historio objektive, ne lasante malplaĉajn partojn en la pasinta historio, oni bezonas kuraĝon. Unu el la kuraĝuloj estas d-ro Hasumi Shigehiko [Ŝigehiko], prezidanto de la Tokia Universitato, kiu emfazis, ĉe la diplomiĝa ceremonio en marto 2001, "Eĉ se la nuna generacio ne rekte kulpas, ni devas esti respondecaj pri la pasinteco . . . la distordo de la pasinta historio rilate al Koreio (kaj ankaŭ Ĉinio), kun kiu ni devas alfronti la estontecon komune, eble alportus al ni malgrandan memkontenton sed ne la kuraĝon alfronti la estontecon."

    Pro la geografia proksimeco, Ĉinio, Japanio kaj Koreio ofte interrilatadis historie, kaj pro tio foje konfliktoj okazis inter la tri landoj. Por paca kaj harmonia kunvivado, ni bezonas historion komunan al la tri landoj. Sed la ĝisnunaj lernolibroj de historio eldonitaj de la respektivaj landaj aŭtoritatoj estis skribitaj surbaze de nacia intereso, kaj multaj historiaj eventoj estas interkontestitaj.

   Pro tio, 42 pacamaj historiistoj en la tri landoj (17 ĉinoj, 13 japanoj, 12 koreoj), nome de la Redaktokomitato de la Lernolibro pri la Komuna Historio de Ĉinio, Japanio kaj Koreio, eldonis "Historio por Malfermi la Estontecon - Moderna Historio de la Orientaziaj Tri Landoj", en 3 lingvoj (la ĉina, japana, korea) en 2005. Ĉar la libro estas pri "komuna historio", ĝi devas esti skribita en neŭtrale komuna lingvo, por ke ĝi estu vera "komuna historia lernolibro".

    Por helpi malfermi komunan kaj harmonian estontecon, kaj ankaŭ por montri la utilecon de Esperanto por tia komuna projekto, pacamaj esperantistoj en Ĉinio, Japanio kaj Koreio volontule partoprenis en traduko, redakto kaj eldono de ĉi tiu Esperanto-versio de la libro.

    La libro havas tri notindajn punktojn. Unue, la libro estas skribita por paco kaj kontraŭ milito. Due, la libro estas skribita surbaze de internacia justeco kaj egaleco. Trie, la libro estas skribita el la vidpunkto de la popolo. Pro tio eble ne ĉiuj legantoj konsentus la priskribon de la historiaj faktoj.

    Malgraŭ tio, la Esperanto-Asocioj de la tri landoj (Ĉina Esperanto-Ligo, Japana Esperanto-Instituto, Korea Esperanto-Asocio) aŭspiciis la kunlaboradon por traduki kaj eldoni la Esperanto-version. La Komitato de Unuiversala Esperanto-Asocio oficiale decidis subteni la projekton.

    Entute 40 pacamaj esperantistoj (7 el Ĉinio, 22 el Japanio, 11 el Koreio) dediĉis siajn tempon kaj talenton al la tradukado kaj redaktado. (Vidu: "La Liston de Kontribuintoj por Tradukado kaj Redaktado", en la fino de la libro). Ĉiu landa tradukado estis kunordigita de Yu Tao (Ĉinio), Satoo Morio (Japanio) kaj Lee Chong-Yeong (Koreio), kaj la tuta teksto estis kunmetita kaj kontrolita ĉefe de Lee Chong-Yeong kaj Satoo Morio. S-ro. Robert Moerbeek, la profesia korektisto ĉe UEA, tralegis la tuton kaj korektis.

La Nova Stelo, Ĉinio, profesie paĝaranĝis kaj eldonis la libron. D-ro. Kobayashi Tsukasa kaj S-ino Syozi Keiko(reprezentante Esperantistan Grupon de la bilddokumento,”Hirosima-Nagasaki”) kaj multaj aliaj donacis grandan sumon por eldoni la libron. Multaj pacamaj esperantistoj montris sian subtenon al la projekto, antaŭmendinte la libron. La Redaktokomitato de la Lernolibro pri la Komuna Historio de Ĉinio, Japanio kaj Koreio senpage donacis la kopirajton de la libro.

Aŭtorrajto (simbole iam esprimita kiel »©«) estas aro de rajtoj, garantiitaj de ŝtataj leĝaroj por subteni kreadon de aŭtoraj verkoj, kiujn akiras la aŭtoro de la verko. En Esperanto estas ofte tiusence uzata ankaŭ la laŭlitera el-Angligo kopirajto el la vorto copyright; iuj malaprobas tiun uzon pro tio, ke oni ne povas kompreni, ĉu temas pri «kopi·rajt·o» (ĉu rajto kopii, aŭ rajto fari ion kun kopioj?) aŭ «kopirajt·o», aparta radiko kun la plena senco de la Angla «copyright», tial preferas la pli vastan terminon aŭtorrajto, adekvatan al koncerna vorto en multaj aliaj lingvoj. Uzo de similaj terminoj en aliaj lingvoj estas diversa laŭ la landoj, kaj tiaj aŭ similaj rajtoj povas aparteni ne nur al aŭtoroj, sed ankaŭ al ties dungintoj, dirigentoj, registrintoj, elsendintoj ktp. Rick Falkvinge insistas, ke en la angla oni nomu ĝin «copyright monopoly» - «kopirajta monopolo».
  Ili ĉiuj meritas varmegan aplaŭdon de la tuta pacamanta esperantistaro.

    Sed se ankoraŭ troviĝas eraroj, ni kulpas.

    Ni esperas, ke ĉi tiu libro montros la praktikan utilecon de Esperanto, kaj ankaŭ kontribuos por "malfermi helan estontecon", speciale inter la gejunuloj  en Orientazio.
                          Januaro 2007
                              Pacamaj esperantistoj en

                              Ĉinio, Japanio kaj Koreio. 



Enhavo

Antaŭparolo de la Redaktokomitato de la Tri landoj

Antaŭparolo de la Esperanto-versio
Enkonduka Ĉapitro: La Tri Landoj antaŭ la Malfermo

Subĉapitro E-1. Interrilatoj de la Tri Landoj



Peco de historio)

Kiel oni vidis la mondon?

“Drivuloj” inter la tri landoj

Subĉapitro E-2. Interna Situacio de la Tri Landoj

1. Japanio ‐ Samurajo kaj Plebanoj

   2. Koreio ‐ Yangban kaj Plebanoj

3. Ĉinio ‐ Ĝentlemanoj kaj Plebanoj

   (Peco de historio) La Ĉefurboj de la tri landoj

  Pekino

         Edo

         Seulo

    Konfuceanismo kaj la tri landoj


Ĉapitro I: Malfermo kaj Moderniĝo

Enkonduko

Subĉapitro I-1. La Premo de Eŭropaj Potencoj kaj

la Reagoj de la Tri Landoj

   1. Ĉinio ‐Opio-milito kaj Kontraŭeŭropa Movado

   2. Japanio ‐Malfermo kaj Meiji [meiĵi]‐Restaŭro

   3. Koreio ‐ Konfliktoj rilate Malfermon

    (Peco de historio) Malfermitaj Havenoj en la Tri Landoj

       Ŝanhajo

       Jokohamo

       Inchon [inĉon]

       Imperiestra sistemo de la moderna Japanio

Subĉapitro I-2. La Milito englutis Orientazion

    1. Konfliktoj inter la Tri Landoj

    2. Ĉina‐Japana Milito

    3. Japana-Rusa Milito

    (Peco de historio)

Hukuzawa Yukichi [jukiĉi]

     Kim Ok‐gyun [gjun]

     Li Hongzhang

Subĉapitro I-3. La Reformada Movado en la Tri Landoj

    1. Japanio ‐La Movado por Libereco kaj Popolaj Rajtoj

    2. Ĉinio ‐ Reformado de la Qing [ĉing]- Dinastio kaj

la Yihetuan- Movado

  3. La Terkulturista Milito kaj la Sendependiga Movado

    (Peco de historio)

Nakae Chomin [ĉomin]

      Kang Youwei [juei]

        Gvidantoj de la Donghak terkulturista milito

Subĉapitro I-4 . La Vivo kaj la Kulturo de

la Popolo de la Tri Landoj

  1. Ŝanĝiĝo de la Koreaj Socio kaj la Popolo

  2. Ŝanĝiĝo de la Ĉinaj Socio kaj la Popolo

  3. Ŝanĝiĝo de la Japanaj Socio kaj la Popolo

    (Peco de historio) Ĉinaj Literoj en la Moderna Historio

  Resumo


Ĉapitro II Ekspansio de la Japana Imperiismo kaj la

           Rezistado de Ĉinio kaj Koreio

  Enkonduko

  Subĉapitro II-1. La Tri Landoj ĉirkaŭ la Unua Mondmilito

   1. La anekso de Koreio fare de Japanio kaj Rezisto de la Koreoj

   2. Japana Kolonia Regado de Tajvano

   3. La Revolucio de 1911 kaj la Fondo de la Ĉina Respubliko

   4. La Unua Mondmilito kaj la Japana Imperiismo

     (Peco de historio)

Kontraŭjapana Batalo de la Tajvana Popolo

Ahn Junggun kaj Itoo Hirobumi

     Ĉu Japanio okupis aŭ aneksis Koreion?

Subcapitro II-2. La Intensigo de la Japana Regado en Koreio

    1. Militpolica Regado

    2. Realo de "la Kultura Regado"

    3. Ekonomia Politiko kaj Uzurpado

   4. Eduka kaj Kultura Politiko

    (Peco de historio)

Kontrolu la fervojon
        Orienta Koloniga Korporacio

Subĉapitro II-3. Sendependiĝa kaj Rezista Movado kaj Socia Movado

    1. La Movado de la Unua de Marto

    2. La Movado de la Kvara de Majo

    3. Socia Movado en la Tri Landoj

    4. Granda Tertremo de Kantoo kaj Masakro de Koreoj kaj Ĉinoj

    (Peco de historio)

Shin Chae‐Ho [ŝinĉaeho]

        Huse Tatsuji

        Li Dazhao

      Chin Tiejun [ĉintieĵun]

      Chung Chong-Myeong [ĵungĵongmjung]

        Kaneko Humiko

Subĉapitro II-4. Ŝanĝiĝo de Socio kaj Kulturo

    1. Ŝanĝiĝo de la Koreaj Socio kaj Kulturo

    2) Ŝanĝiĝo de la Ĉinaj Socio kaj Kulturo

    3. Ŝanĝiĝo de la Japanaj Socio kaj Kulturo

    (Peco de historio)

Na He Seok

        Hiratsuka Raicho [raiĉo]

        He Xiangning [Ŝiangning]

  Resumo


Ĉapitro III La Invadmilito kaj la Damaĝo al la Popolo

Enkonduko

Subĉapitro III-1. Japana Invado en la Nordorientan Regionon de Ĉinio

   1. La Evento de la 18-a de Sept.

   2. Naskiĝo de la "Manĉuria Respubliko", la Pupa Reĝimo

   3. Socio kaj Ekonomio de "Manĉurio"

   4. Unuiĝinta Rezistado de la Ĉina kaj Korea Popoloj

      (Peco de historio)

Zhang Hanhui

         Yun Bonggil

Subĉapitro III-2. Japana Invadmilito

   1. Ĉina-japana Milito

     2. Azia-Pacifika Milito

     3. Iluzio de "La Granda Orientazia Kunprospera Sfero"

     4. Tutforta Militsistemo

     (Peco de historio)

Gvido de la milito fare de la Showa- Tennoo

     La milito de propagandaj folioj

Subĉapitro III-3. La Kruela Agado al la Ĉina Popolo, fare de Japana

Armeo


   1. Popolanoj kaj Rifuĝintoj en Batalkampoj

     2. Masakro en Nankino

    3. Sendistinga Bombado kaj "Senhoma Zono"

  4. Bakteria Milito, Gas‐milito kaj Homkorpa Eksperimentado

     5. Seksa Perfortado fare de Japanaj Soldatoj

     (Peco de historio)

Feng Yiping: Atesto pri perforta laboro

       Atesto de eksa japana soldato

Subĉapitro III- 4. Koreio kiel Militbazo kaj la Damaĝo al la Popolo

     1. Japaniga Politiko

     2. Milita Industrio sub la Milittempa Sistemo

    3. Mobilizado de Milita Materialo

   4. Mobilizado de Homforto

 5. Koreaj Virinoj forprenitaj kiel Japanarmeaj Konsolvirinoj

  (Peco de historio)

"Porjapano" kaj Naciperfidulo

      Avino Kang Duk-Kyung, kiu denuncis la damaĝon de

la konsolvirinoj

Subĉapitro III-5. Damaĝado kaj Damaĝiĝo de la Japana Popolo

1. Milittempa Tutmobilizado kaj Kunlaboro de la Popolo por Milito

  2. La Vivo kaj la Rezistado de la popolo

   3. Granda Aeratako al Tokio kaj aliaj Urboj

   4. Batalo en Okinavo

   5. Atombomboj al Hiroŝimo kaj Nagasako

     (Peco de historio)

Speciala ataktrupo “kamikaze” kaj junaj studentoj

       Japana tutforta milito kaj virinoj

Subĉapitro III-6. Malsukceso de la Japana Invadmilito

  1. Kontraŭjapana Milito fare de Ĉinio

   2. Rezisto de Koreoj kaj Preparado por Nacia Sendependiĝo

   3. Rezisto de la Popolo en la Okupita Sudorinta Azia Regiono

4. Venko en la Kontraŭfaŝisma Milito kaj Japana Kapitulacio

   (Peco de historio)

Provizora registaro de la Korea Respubliko

        Kontraŭmilita ligo de japanaj soldatoj

  Resumo

  1   2   3   4   5   6


Elŝuti 0.63 Mb.

  • Antaŭparolo de la Originala Versio Konstruu B elan M ondon
  • Antaŭparolo de la Esperanto-Versio Instruo de Historio
  • Enhavo

  • Elŝuti 0.63 Mb.