Unua paĝo
Nia teamo
Kontaktoj
Pri ni

    ĉefpaĝo


Dekretu Governu Nº 19/2017 12 de Maio aprova prosedimentus téknikus sira ba halao eleisoins prezidensiais iha rai-liur

Elŝuti 164.47 Kb.

Dekretu Governu Nº 19/2017 12 de Maio aprova prosedimentus téknikus sira ba halao eleisoins prezidensiais iha rai-liur




paĝo1/4
Dato20.10.2017
Grandeco164.47 Kb.

Elŝuti 164.47 Kb.
  1   2   3   4





Dekretu Governu Nº 19/2017

12 de Maio


APROVA PROSEDIMENTUS TÉKNIKUS SIRA BA HALAO ELEISOINS PREZIDENSIAIS IHA RAI-LIUR

 

Sidadaun Timor-oan sira ne’ebé maka hela iha rai-liur goza protesaun Estadu nian hodi ezerse nia direitu maiske sira la hela iha rai-laran.


Hodi buka atu responde ba prinsípiu konstitusional ida ne’e, hetan ona garantia, ba primeira vez, hafoin restaura tia independénsia nasaun nian, ezersisiu direitu votu ba sidadaun Timor-oan hirak ne’ebé maka hela iha rai liur, atu sira bele, tuir mai, vota hodi hili titulares orgauns soberania sira.
Lei eleitoral ba Parlamentu Nasional nian determina ona katak prosedimentus téknikus ba halao votasaun iha estranjeiru tenki regula liu husi Dekretu Governu. Ho nune’e, diploma ida ne’e estabelese prosedimentus téknikus balun ne’ebé atu garante prosesu votasaun no kontajen votus, nomós apuramentu rezultadus eleitorais ba eleisaun Parlamentar nian iha rai-liur.
Alein ida ne’e, estabelese mos regras sira ne’ebé maka fiskais Partidu ka koligasaun sira, observadores eleisaun no profisionais komunikasaun sosial sira bele halo tuir durante halo atividades akompañamentu, observasaun no kobertura ba atu eleitoral ne’e rasik.
Ho nune’e,
Governu dekreta, bazeia ba saida maka prevé iha nº 4 artigu 37º-A husi Lei no 6/2006, 28 Dezembru, altera ho Lei nº 6/2007, 31 de Maio, ho Lei nº 7/2011, 22 Juñu, ho Lei nº 1/2012, 13 Janeiru, ho Lei nº 7/2012, 1 Marsu, no ho Lei nº 5/2017, 5 Maio, atu vale nudar Regulamentu, sira tuir mai ne’e:


Kapítulu I

Dispozisoens Jerais

Artigu 1º

Objetu no âmbitu aplikasaun


  1. Dekretu ida ne’e aprova regras hirak ne’ebé maka regula votasaun, kontajen votus no apuramentu rezultadu ba operasaun eleisaun ba deputados Parlamento Nasional nian ne’ebé halao iha rai liu.

  2. Dekretu ida ne’e regula partikularmente prosesu establesimentu centru votasaun sira, kontajen votus, rezultadu tabulasaun inisial, fiskais no observador eleisaun sira, cobertura mediatiku ba prosesu votasaun iha rai liur ba eleisaun parlamentar nian

Artigu 2º

Kapasidade eleitoral ativa


  1. Sidadaun timor-oan ne’ebé maka bót liu ona tinan sanulu-resin-hitu, goza kapasidade eleitoral ativa.

  2. Para bele ezerse direitu votu tenki inskreve iha resensiamentu eleitoral.

Kapítulu II

Oinsá organiza prosesu eleitoral
Seksaun I

Sentrus Votasaun no Estasaun Votu sira

Artigu 3º

Sentru Votasaun


  1. Fatin ne’ebé maka eleitor sira atu ezerse sira nia direitu atu vota naran sentru votasaun

  2. Iha sentru votasaun ida bele iha estasaun votu ida ka liu husi ida.



Artigu 4º

Fatin funsionamentu
Sentrus votasaun funsiona iha fatin hirak ne’ebé maka termina tia kedas ona liu husi dekretu governu ida ne’ebé maka aprova organizasaun no funsionamentu sentru votasaun no estasaun de votus sira nian.
Artigu 5º

Lista sentrus votasaun no estasaun votu


  1. STAE sei fó sai númeru no lokalizasaun ba sentrus votasaun no estasaun votus sira até loron tolu-nulu antes loron votasaun, no bele mos hetan alterasaun ruma até loron 10 antes data realizasaun votasaun nian.

  2. STAE sei haruka kópia lista kompleta husi fatin sentru votasaun no estasaun votu sira nian ba Komisaun Nasional Eleisaun, ne’ebé tuir mai sei temi deit ho naran CNE, nomós orgauns komunikasaun sosial sira hodi halo divulgasaun

  3. Informasaun ne’ebé maka prevé iha númerus sira foin-liu-ba/anteriores sei komunika ba Ministériu Negósius Estranjeirus no Kooperasaun (MNEC), depois de taka iha lokal estilu misoins diplomátikas nian no postus konsulares ne’ebé uza nudar sentrus votasaun no estasoins votu.


Artigu 6º

Kódigu identifikasaun sentru votasaun no estasaun votu


  1. Sei atribui kódigu numériku ida hodi identifika kada sentru votasaun no estasaun votu

  2. Kodigu ne’ebé temi iha númeru ida foin liu ba ne’e forma husi díjitus sia, no husi ida ne’e, díjitu lima primeiru ne’e reprezenta sentru votasaun no hat ikus reprezenta estasaun votu, no ho ida ne’e permite atu identifika kada sentru votasaun no estasaun votu sira.


Artigu 7º

Horáriu funsionamentu


  1. Iha loron votasaun, sentru votasaun no estasaun votu sira sei loke iha tuku hitu no taka iha tuku sanulu-resin-lima, no durante perídou loke ne’e, sei funsiona sein interupsaun.

  2. Kuandu oras taka nian, hanesan ne’ebé maka temi iha númeru anterior, liu ona, so ema hirak ne’ebé maka iha altura ne’ebá forma tia ona iha líña maka bele ezerse nia direitu votu, kontrolador liña sira sei haré ida ne’e no komunika ba secretariu sentru votasaun nian.

Artigu 8º

Fatin ne’ebé eleitor ezerse nia direitu votu


  1. Iha estranjeiru, eleitor ida-idak vota iha sentru votasaun sira ne’ebé maka funsiona iha unidade jeográfika resenseamentu eleitoral ne’ebé nia inskreve bá.

  2. Tó loron hitu depois prazu ne’ebé prevé iha n.º 1 husi artigu 5.º, STAE sei envia ba xefes misoins diplomátikas sira no, karik presiza, xefes servisus konsulares iha área jeográfika ne’ebé hili ona atu tau sentrus votasaun, lista husi eleitores sira ne’ebé inskreve ona atu vota iha sentrus votasaun sira ne’e.


Artigu 9º

Proibisaun prezensa iha sentru votasaun


  1. Sei la admiti atu mai iha sentru votasaun no estasaun votu nian, eleitores hirak ne’ebé maka aprezenta sínt,omas momós katak ema ne’e konsome alkool ka lanu hela ho drogas (estupefasientes), ema hirak ne’ebé maka lori kilat ka objetus ne’ebé hanesan, nomós ema hirak ne’ebé maka, ho kualker meiu, perturba no tenta perturba orden no disiplina iha fatin votasaun no ninia sorin-sorin sira, no bele lori ba eventual responsabiliade kriminal.

  2. Mos sei la hatan, atu marka prezensa iha sentru votasaun no estasaun votu, sidadaun eleitoral hirak ne’ebé maka ezerse tia ona nia direitu vota nian, sira ne’ebé maka laos fiskais kandidaturas nian, laos profisionais orgaun komunikasaun sosial no laos observadores eleisaun ne’ebé hetan ona kredensial.


Artigu 10º

Proibisaun propaganda eleitoral


  1. Iha loron eleisaun, proibidu atu halo kualker tipu propaganda eleitoral iha fatin hirak ne’ebé maka funsiona sentru votasaun no estasaun votu no tenki dok metru no tó metru ruanulu-resin-lima husi fatin sentru votasaun.

  2. Propaganda eleitoral ne’e maka hanesan taka autokolantes (stiker), kamizolas, panfletos, símbolos, posters, emblemas, siglas, bandeiras no sira seluk tan, nune’e mos ho atividades promosaun kandidatura, ligadu ba prosesu eleitoral ne’ebé maka lao hela.

  3. Karik verifika katak iha propaganda eleitoral ruma ne’ebé maka klaramente viola saida maka hateten iha númeru 1 husi artigu ida ne’e ninian, kompete ba prezidente sentru votasaun atu haruka hasai propaganda sira ne’e.

  4. Fiskais kandidaturas sira, labele, iha sirkunsansia saida deit, aprezenta-an iha sentru votasaun ho símbulus ka objetus ne’ebé identifika katak sira pertense ba partidus politiku ka koligasaun partidaria ruma

  5. Karik verifika saida maka temi iha númeru anterior, prezidente sentru votasaun haruka fiskal sira hodi hasai símbulus ka objetus husi partidus politiku ka koligasaun partidaria sira ne’e, no karik iha dezobediensia ruma, prezidente votasaun hasai tia fiskal ne’e nia akreditasaun no haruka nia atu abandona sentru votasaun no rejista kedas akontesimentu ne’e iha ata operasaun eleitoral nian.

Seksaun II

Oficiais eleitorais

Artigu 11º

Ofisiais eleitorais


  1. Ofisiais eleitorais maka sidadaun nasional hirak ne’ebé selesionadu ona husi STAE hodi asigura funsionamentu sentrus votasaun no estasaun votu durante prosesu eleitoral

  2. Iha loron eleisaun, bele latama servisu, Ofisiais eleitorais hirak ne’ebé maka mós funsionárius públikus, ajentes ka traballadores administrasaun públika Repúblika Demokratika Timor-Leste nian no ida ne’e sei la prejudika sira nia direitus no regalias, inklui direitu ba retribuisaun, basta maka sira tenki iha dokumentu ida ne’ebé STAE emite hodi komprova katak sira ezerse duni sira nia funsaun nudar ofisiais eleitorais iha loron ne’e.


Artigu 12º

Selesaun Ofisiais Eleitorais


  1. STAE maka hili ofisial eleitoral sira husi eleitores sira ne’ebé maka resensiadu ona iha unidade jeográfika resenseamentu eleitoral ne’ebé maka sentru votasaun no estasaun votu ne’e lokaliza ba, atu nune’e sira bele ezerse sira nia funsaun.

  2. Atu sai ofisiais eleitorais, sidadaun ne’e tenki hatene lé, hakerek no iha kuñesimentu oituan kona ba aritmétika.

  3. Kandidatus ne’ebé atu prienxe vaga hodi ezerse funsaun nudar ofisiais eleitorais ne’e pre-selesionadu husi Diretor Munisipal STAE nian iha unidade jeográfika resenseamentu eleitoral ne’ebé sei lokaliza sentru votasaun ne’ebé ofisiais eleitorais sira ne’e atu dezempeña sira nia funsaun bá.

  4. Depois prosesu pre-selesaun ne’e remata tia, Diretor Munisipal STAE haruka ba Diretor Jeral STAE, lista kompleta husi kandidatus sira ne’ebé maka bele halao funsaun nudar ofisial eleitoral, akompaña kedas ho sira ida-idak nia “Kurrikulum Vitae”.

  5. Metade husi kandidatu ne’ebé selesionadu tenki ser husi sexu femininu.

  6. Bazeia ba informasaun ne’ebé prevé iha númeru 4, Diretor Jeral STAE, depois de rona husi CNE, sei nomeia ofisiais eleitorais hirak ne’ebé maka sei ezerse sira nia funsaun iha sentru votasaun.

  7. MNEC sei distribui despacho Diretor-Jeral STAE nian ne’ebé refere iha númeru anterior ba misoins diplomátikas no servisus konsulares iha áreas jeográfikas sira ne’ebé sei funsiona sentrus votasaun iha estrajeiru

  8. Labele obriga ema ida atu halao funsaun nudar ofisial eleitoral, kontra nia vontade livre no expressa.

  9. CNE sei superviziona prosesu selesaun kandidatus hirak ne’ebé maka sei halao papel nudar ofisiais eleitorais.

  10. Karik ofisial eleitoral ruma falta tia ka lakohi ezerse nia funsaun, sei truka tia nia ho suplente ne’ebé, ba ida ne’e, dezignadu husi despacho ne’ebé maka refere iha n.º 6.


Artigu 13º

Formasaun Ofisiais Eleitorais


  1. Kandidatus sira ne’ebé STAE hili ona hodi sai nudar ofisiais eleitorais, sei tuir formasaun ne’ebé prepara no realiza husi STAE, ho CNE nia supervizaun.

  2. Ofisiais sira labele komesa sira nia funsaun, antes assina deklarasaun kompromissu, ne’ebé husu atu rai sijílu kona ba faktus, informasaun no prosedimentus eleitorais ne’ebé maka sira sei hatene durante halao sira nia funsaun.

  3. Deklarasaun kompromissu ne’e, STAE maka sei elabora no sei vinkula ka kesi ofisial eleitoral sira to processu eleitoral ne’ebé sira ezerse funsaun bá ne’e remata.

  4. Reprezentantes no fiskais kandidaturas sira, nune’e mos ho observadores nasionais no internasionais, bele akompaña formasaun ne’e, maibé laiha direitu atu intervéin iha processu.


Artigu 14º

Ofisiais Eleitorais sira nia dever


  1. Hodi ezerse sira nia funsaun, ofisiais eleitorais sira vinkuladus atu kumpri deveres sira hanesan tuir mai ne’e:

    1. Tuir formasaun ne’ebé STAE realiza;

    2. Mantein komportamentu ne’ebé neutral no imparsial ba kandidaturas hotu-hotu;

    3. Garante sijílu (labele fo sai arbiru) informasaun ho karakter rezervada ne’ebé maka hatene durante halao knar;

    4. Halao ho didiak no lolós, tarefas sira hotu, to prosesu eleitoral ne’e remata;

    5. Tenki relata kedas ba superior sira, karik mosu irregularidade ruma durante processu votasaun, kontajen no apuramentu rezultadus;

    6. Kumprir ho lolós orientasoins hirak ne’ebé maka superior sira fó

  2. Ofisiais eleitorais sira, kuandu la kumpri sira nia deveres, sei resposabiliza tuir lei ne’ebé vigora


Artigu 15º

Kompozisaun sentrus votasaun no estasaun votus sira


  1. Kada sentru votasaun no estasaun votu sira kompostu husi ofisiais eleitorais hanesan tuir mai ne’e:

    1. Prezidente sentru votasaun nian ida, ne’ebé responsabiliza ba sentru votasaun no mos estasaun votus sira;

    2. Sekretáriu ida ba estasaun votu ne’ebé maka responsabiliza ba estasaun votu ne’e, kordena servisu ho ofisiais estasaun votu sira no responde diretamente ba prezidente sentru votasaun nian;

    3. Ofisiais nain-hat ne’ebé sei verifika eleitores sira nia identifikasaun;

    4. Ofisial ida hodi kontrola boletin votu nian;

    5. Ofisial nain-ida sei kontrola urna eleitoral/kaixa votasaun nian;

    6. Ofisial ida hodi kontrola no tau tinta-indelével ba eleitores sira nia liman;

    7. Ofisial nain rua para kontrola forma-liña/fila.

  2. Estasaun de votu ida bele funsiona nafatin ho deit ofisiais, mínimu, nain nen.

  3. Karik ofisiais eleitorais sira falta tia nain ida, sei substitui tuir termus ne’ebé hatur iha artigu 24º.


Artigu 16º

Prezidente Sentru Votasaun


  1. Prezidente sentru votasaun nia papel maka:

  1. Deklara loke estasaun votu no verifika identidade no kredensial husi sekretarius estasaun votu nian;

  2. Asigura funsionamentu ne’ebé diak iha sentru votasaun tuir lei no regulamentus sira ne’ebé vigora;

  3. Haruka taka relasaun nominal kandidatu sira nian iha kedas entrada ba sentru votasaun nian;

  4. Presta informasaun no transmite orientasaun servisu ne’ebé nesesariu atu bele garante operasaun eleitoral ida ne’ebé diak iha sentru votasaun ne’ebé nia prezide;

  5. Suspende operasaun eleitoral karik iha perturbasaun ruma, agresoins ka violensia, iha sentru votasaun nomós iha sorin-sorin sira besik kedas iha ne’ebá;

  6. Dirije kontajen votus no apuramentu inisial rezultadus iha sentru votasaun;

  7. Ezerse votu de kualidade kuandu haree katak nesesáriu;

  8. Assina ata ho rezultadu kontajen votus nian iha sentru votasaun;

  9. Organiza fiskais kandidaturas iha sentru votasaun ne’ebé assina ata operasaun kontajen no apuramentu rezultadus nian;

  10. Haruka dijitaliza atas operasoins kontajen no apuramentu rezultadus no garante enviu, liu husi via elektrónika, ba servisus sentrais STAE nian;

  11. Simu no enkamiña reklamasoins ka rekursus hirak ne’ebé maka dirije ba ida-idak, CNE no ba Supremu Tribunal Justisa (STJ), liu husi reprezentante diplomátiku ka konsular ne’ebé graduadu liu ke halao nia funsoins iha unidade jeográfika resenseamentu eleitoral ne’ebé sentru votasaun no estasaun votu ne’e funsiona bá;

  12. Anunsia rezultadu kontajen no apuramentu inisial no taka rezultadu ne’e iha fatin ne’ebé fasil para atu haree, iha kedas sentru votasaun ne’e rasik;

  13. Garante enpakotamentu no entrega material eleitoral hotu-hotu ba reprezentante diplomátiku ka konsular ne’ebé enkarega atu asigura tranporta material sira ne’e mai Dili, atu nune’e bele entrega votus reklamadus, reklamasoins no atas kontajen no apuramentu rezultadus sira ba asembleia apuramentu nasional no material eleitoral sira seluk ba STAE;

  14. Dezempeña funsoins hotu ne’ebé prevista iha lei, regulamentu ka tuir ne’ebé superior sira haruka no funsoins sira ne’ebé maka laos atribui ba orgaun seluk.




  1. Prezidente Sentru Votasaun sei nomeia husi entre diplomatas sira ida, tuir termus artigu 12.º nian.


Artigu 17º

Sekretariu estasaun votu
Sekretáriu estasaun votu nia papel maka:

  1. Deklara loke estasaun votu no verifika identidade no kredensial husi ofisiais eleitoral sira nian, fiskais kandidaturas sira ne’ebé halao sira nia funsaun iha fatin votasaun ne’e nomós observadores ho mós profisionais orgauns komunikasaun sosial sira;

  2. Dirije processu verifikasaun kabina votu no dokumentu servisu nian iha estasaun votu

  3. Hatudu urnas/kaixa votasaun mamuk ba ofisiais meza sira, fiskais kandidaturas, observadores no eleitores ne’ebé marka prezensa, no tuir mai, husu ba ofisial verifikador identifikasaun nian nomós ofisial kontrolador urna eleitoral atu bele tau tia selu ba urnas no rejista númerus husi selu korespondente;

  4. Haruka taka edital ho kompozisaun meza estasaun votu nian iha estasaun votu, iha kedas fatin ne’ebé maka fasil para atu haree,;

  5. Garante liberdade no segredu de votu, eleitores hotu-hotu nian;

  6. Garante manutensaun orden iha estasaun votu para asigura operasaun eleitoral bele lao ho didiak;

  7. Informa prezidente sentru votasaun karik iha fali ona kondisaun hodi kontinua votasaun ne’ebé interompe tia tamba iha akontesimentu balu ne’ebé la normal, kalamidade natural ka perturbasaun orden públika ruma;

  8. Haruka sai husi estasaun votu, sidadaun sira ne’ebé maka la vota iha ne’ebá ou ka sira ne’ebé vota tia ona;

  9. La admite atu tama iha estasaun votu, eleitores sira ne’ebé maka haree momós katak lanu hela ka hetan hela efeitu husi droga (estupefasiente) nian, no lori objetu balu ne’ebé maka bele kria perigu;

  10. Bandu kualker tipu propaganda iha estasaun votu nia laran, no hó distansia tó metru ruanulu-resin-lima, no halo ida ne’e ho rekore ba forsa de siguransa polisial;

  11. Autoriza entrega boletin de votu foun ba eleitores sira, karik sira husu tamba halo sala wainhira sira prienxe ka tamba falta de atensaun, no okorensia ida ne’e tenki rejista tia kedas iha ata ida-idak;

  12. Tau karimbu ba boletin votu ne’ebé maka entrega fila fali, ho lia-fuan “cancelado”, assina tia kedas no rai didiak tia iha envelope;

  13. Fo esklaresimentu nesesáriu, tuir eleitor nia pedidu, no iha kedas prezensa ofisiais eleitorais sira, fiskais kandidaturas no observadores eleitorais, kona ba processu votasaun, maibé labele influensia fali eleitores sira nia sentidu votu;

  14. Husu ba fiskais kandidatura sira, keta sira iha reklamasoins balu atu aprezenta karik;

  15. Simu protestus hotu no reklamasoins ne’ebé maka mosu, no tenki assina kedas nune’e, hanesan ofisiais hotu-hot estasaun votu nian;

  16. Halo mos funsaun sira seluk ne’ebé maka temi iha lei, regulamentu, ou sira ne’ebé superior haruka, maibé laos funsaun hirak ne’ebé maka atribuida ona ba orgaun seluk.


Artigo 18º

Ofisial verifikador identifikasaun


  1. Ofisial verifikador identifikasaun nia papel maka:

  1. Identifika eleitor liu husi haree ho didiak kartaun eleitoral atualizadu no verifika didiak hodi haree, se dados eleitor nian ne’e hakerek mos iha lista eleitor unidade jeográfika resenseamentu eleitoral nian ka lae;

  2. Karik kartaun eleitoral laiha, bele identifika eleitor liu husi haree nia billete identidade ka passaporte timor nian no konfirma ho dadus eleitor nian ne’ebé maka tau iha lista eleitor unidade jeográfika resenseamentu eleitoral ida ne’e ninian;

  3. Verifika se eleitor ne’e kumpre rekezitu legal ne’ebé ezije kona ba idade mínima tinan sanulu-resin-hitu iha loron eleisaun nian;

  4. Haree didiak eleitor nia liman hodi bele garante katak nia sidauk vota duni iha eleisaun ne’e;

  5. Fo hatene ba ofisial kontrolador boletin votu katak ema ne’e iha direitu no bele entrega boletin votu ba nia;

  6. Dezempeña mos funsaun hirak ne’ebé maka lei, regulamentu haruka ka superior determina mas laos tok funsaun hirak ne’ebé maka atribui ona ba orgaun seluk.

  1. Ba efeitus alínea a) husi númeru anterior, sei konsidera nudar atualizadu kartaun eleitoral sira ne’ebé maka laiha kuak ruma ka hatudu símbulus Repúblika Demokrátika Timor-Leste nian, ne’ebé aprova liu husi Lei nº 2/2007, loron 18 fulan Janeiru.


Artigu 19º

Ofisial kontrolador boletin votu
Ofisial kontrolador boletin votu nia papel maka:

  1. Tau karimbu no assina iha boletin votu nia kotuk;

  2. Entrega boletin votu ba eleitor;

  3. Presta informasaun ba eleitor ne’ebé simu ona boletin votu, iha kedas fiskais no observadores sira nia oin iha estasaun votu, karik nia husu informasaun no esklaresimentu ruma kona ba oinsá atu vota, maibé labele indika ba sira, preferensia ruma ka sentidu de votu ruma kona ba atu vota ba kandidatu ida ne’ebé;

  4. Indika no enkamiña eleitor ba kabina votu nian;

  5. Entrega boletin votu foun ba eleitor ho autorizasaun sekretáriu estasaun votu nian, karik eleitor husu, tamba boletin át tia ka prienxe sala tia;

  6. Dezempeña mos funsaun hirak ne’ebé maka lei, regulamentu haruka ka superior determina mas laos tok funsaun hirak ne’ebé maka atribui ona ba orgaun seluk.


Artigu 20º

Ofisial kontrolador urna eleitoral
Ofisial kontrolador urna eleitoral nia papel maka:

  1. Garante guarda no siguransa urna eleitoral nian;

  2. Assigura katak eleitor koloka deit boletin votu ida ba urna eleitoral;

  3. Dezempeña mos funsaun hirak ne’ebé maka lei, regulamentu haruka ka superior determina mas laos tok funsaun hirak ne’ebé maka atribui ona ba orgaun seluk.


Artigu 21º

Ofisial kontrolador aplikasaun tinta indelevel

Ofisial kontrolador aplikasaun tinta indelevel nia papel maka:



  1. Depois eleitor hatama tia boletin votu ba urna laran, tau kedas tinta indelével ba liman-fuan indikador husi eleitor nia liman direita no sertifika katak tinta ne’e maran duni.

  2. Karik liman fuan indikador husi parte direita laiha karik, bele tau tinta indelével ba iha liman-fuan seluk husi liman hanesan, maibé karik liman lós rasik laiha, bele tau ba liman fuan ida iha parte eskerda no sertifika duni katak tinta ne’e maran tia;

  3. Karik liman rua ne’e laiha hotu, marka tinta indelével ne’e iha extremidade husi eleitor nia isin parte leten nian;

  4. Husu ba eleitor atu ses husi estasaun votu hafoin vota tia;

  5. Dezempeña mos funsaun hirak ne’ebé maka lei, regulamentu haruka ka superior determina mas laos tok funsaun hirak ne’ebé maka atribui ona ba orgaun seluk.


Artigu 22º

Ofisial kontrolador fila
Ofisial kontrolador liña/fila nia papel maka:

  1. Organiza liña/fila ne’ebé eleitores sira forma bá hodi hein atu vota, atu nune’e, so ema ne’ebé autorizada deit maka bele tama ba estasaun votu;

  2. Husu ba eleitor para bele kaer kedas iha sira nia liman kartaun eleitoral ne’ebé atualizadu, karik ida ne’e laiha, uza deit billete identidade ou passaporte timor nian, atu nune’e bele hatudu ba ofisial verifikador identifikasun;

  3. Iha tuku sanulu-resin-lima loraik iha loron votasaun nian, haree tok, eleitor hira maka hein hela iha liña para atu ba vota, atu nune’e bele halo tuir saida maka lei haruka katak se se deit maka atu mai tama iha liña depois de oras ida ne’e, sei la hatan;

  4. Husu ba fiskais kandidatura no observadores eleitorais sira hodi hatudu sira nia identifikasaun no kredensial ne’ebé STAE emiti para sira bele akompaña prosesu eleitoral ne’ebé lao hela;

  5. Husu ba profisionais orgaun komunikasaun sosial sira hodi hatudu sira nia identifikasaun no kredensial ne’ebé STAE emiti para sira bele halo kobertura jornalístika ba prosesu eleitoral ne’ebé lao hela;

  6. Dezempeña mos funsaun hirak ne’ebé maka lei, regulamentu haruka ka superior determina mas laos tok funsaun hirak ne’ebé maka atribui ona ba orgaun seluk.

  1   2   3   4


Elŝuti 164.47 Kb.

  • Kapítulu I Dispozisoens Jerais Artigu 1º Objetu no âmbitu aplikasaun
  • Artigu 2º Kapasidade eleitoral ativa
  • Kapítulu II Oinsá organiza prosesu eleitoral Seksaun I Sentrus Votasaun no Estasaun Votu sira Artigu 3º
  • Artigu 4º Fatin funsionamentu
  • Artigu 6º Kódigu identifikasaun sentru votasaun no estasaun votu
  • Artigu 7º Horáriu funsionamentu
  • Artigu 8º Fatin ne’ebé eleitor ezerse nia direitu votu
  • Artigu 9º Proibisaun prezensa iha sentru votasaun
  • Artigu 10º Proibisaun propaganda eleitoral
  • Seksaun II Oficiais eleitorais Artigu 11º Ofisiais eleitorais
  • Artigu 12º Selesaun Ofisiais Eleitorais
  • Artigu 13º Formasaun Ofisiais Eleitorais
  • Artigu 14º Ofisiais Eleitorais sira nia dever
  • Artigu 15º Kompozisaun sentrus votasaun no estasaun votus sira
  • Artigu 16º Prezidente Sentru Votasaun
  • Artigu 17º Sekretariu estasaun votu
  • Artigo 18º Ofisial verifikador identifikasaun
  • Artigu 19º Ofisial kontrolador boletin votu
  • Artigu 20º Ofisial kontrolador urna eleitoral
  • Artigu 21º Ofisial kontrolador aplikasaun tinta indelevel
  • Artigu 22º Ofisial kontrolador fila

  • Elŝuti 164.47 Kb.