Unua paĝo
Nia teamo
Kontaktoj
Pri ni

    ĉefpaĝo


Baltaj Esperanto-Tagoj okazis en litova urbeto Utena inter la 6-a kaj 14-a de julio

Elŝuti 6.21 Kb.

Baltaj Esperanto-Tagoj okazis en litova urbeto Utena inter la 6-a kaj 14-a de julio




Dato01.11.2017
Grandeco6.21 Kb.

Elŝuti 6.21 Kb.

Baltaj Esperanto-Tagoj okazis en litova urbeto Utena inter la 6-a kaj 14-a de julio.
Mi kun plezuro partoprenis la aranĝon, ĉar efektive plezuriga estis la programo: interesaj prelegoj, atentokaptaj ekskursoj, ĝuindaj koncertoj kaj, ĉefe, interkomunikado kun malnovaj kaj novaj geamikoj. Vidu la fotojn, kaj vi komprenos, ke la tagoj vere estis feliĉaj. Dum la tutnokta busvojaĝo al Litovio mi verkis kanton, kiun poste prezentis en BET. Jen estas la teksto. "Labas vakaras Lietuva" litovlingve signifas "Bonan vesperon, Litovio!" Dankon al la ĉeforganizanto Povilas Jegorovas kaj la tuta organiza teamo, kiu brile faris sian taskon.

Al Litovio

Dormas logaj lagoj en sin’ arbara,

karesata de fringa kant’.

Jen la spaco paca, la tero kara

por ripozo de la vagant’.

Amikino mia kaj amatino –

mi ripetas al vi sen vant’,

havis mi feliĉon en via sino -

Labas vakaras, Lietuva !

Mi flavbeka ĉe la unua veno

kaptis sencon de via ĉarm’,

Kaj en koro mia lokiĝis beno -

milda ero de l’ tera varm’.

La vagado daŭras dum kruroj fortas,

sed post mia dumviva vag’

la ripozo paca kun vi komfortas –

Labas vakaras, Lietuva !

Dentorad’ horloĝa protestas grince –

en la junon ne eblas ven’,

sed memoro mia plu montras vin, se

gardas vin mi ĉe mia en’.

Impetigas min la taŭzita spiro,

kaj denove kun juna vant’

vortojn simplajn kantas mi kun admiro:



Labas vakaras, Lietuva!

Mikaelo Bronŝtejn


Elŝuti 6.21 Kb.

  • Mikaelo Bronŝtejn

  • Elŝuti 6.21 Kb.