Unua paĝo
Nia teamo
Kontaktoj
Pri ni

    ĉefpaĝo


1/ apero de Esperanto 1903 1914

Elŝuti 2.03 Mb.

1/ apero de Esperanto 1903 1914




paĝo46/55
Dato15.03.2017
Grandeco2.03 Mb.

Elŝuti 2.03 Mb.
1   ...   42   43   44   45   46   47   48   49   ...   55

Angulo de la prezidanto - Estimataj, en tiu-ĉi numero de “La Informilo” vi legos raporton pri nia eble por iuj nekutima staĝo en Mittelwihr (68). Kiel prezidanto de la federacio mi deziras danki al la membroj de la Take–skipo, kiuj laboregis por sukcesigi tiun aranĝon. Mia danko iru unue al Jean Pierre Cancel, la motoro de Take–Esperanto, al Michel Basso la iniciinto kaj disponiganto de ejo kaj komunikiloj en sia entrepreno, al Françoise Rouault, kiu teknike zorgis pri la revuo «La Domo» kaj al Bruno Schmitt, nia kasisto kaj entajpiginto de adresoj. Aparte ĝojigas min, ke du inter ili estas komencantoj, kiuj lernis la lingvon praktikante ĝin per agado poresperanta. Cetere, jen la celo de Take–Esperanto: rekruti novajn gelernantojn kaj uzigi la lingvon tuj en aktivado pora. La komitato de nia federacio akceptis kunlabori plej intense kun Take-Esperanto. La unua ampleksa agadero estos nia kampanjo…"Esperanto surstrate – 3615 Esperanto". Pri kiu vi legos ĉi poste. Antaŭan dankon pro via helpo ! Edmond Ludwig

  • Ekskurso en Alzaco - Dum nia ĝenerala kunveno de la 13-a de junio ni decidis pri renkontiĝo turista en la alzaca urbeto Eguisheim apud Colmar. Ĝi okazis la 26-an de junio (sabate) kaj estis sukcesa, kvankam partoprenis nur 4 personoj! (Sed, se ni ne havis la kvanton, ni havis la kvaliton!). Eguisheim estas rava alzaca urbeto, certe tiel bela kiel la pli fama Riquevihr (kvankam la gvidlibro «Miĉelin» konsentas al ĝi nur unu stelon…). Tuj kiam ni alvenis, ni konstatis, ke homoj, aŭtomobiloj, busoj estis svarmantaj ĉie en la urbeto. Ni unue supozis, ke ili amase alvenis tie por bonvenigi nin, esperantistojn! Sed tute ne, oni eĉ ne atentis nin ! Ni rendevuis antaŭ la preĝejo, kaj ĝuste tie estis la plej granda popolamaso, tiel ke ni devis parki pli malproksime. Antaŭ la preĝejo atendis kaleŝo kun kvar belaj blankaj ĉevaloj. Tiam ni komprenis: estis okazanta edziĝofesto ! Ni atendis la eliron de la novaj geedzoj, al kiuj la spektantoj ĵetis rizon. Ni provis plej proksime foti, kaj finfine apenaŭ ekvidis la novedzinon… sed la ĉevaloj estis vere belaj kaj fortikaj, ankaŭ la kaleŝistino (fortika!). Tuj poste ni vidis grupon da turistoj, al kiuj gvidistino klarigis pri la vidindaĵoj. Ni iom sekvis ilin kaj finfine eniris kun ili la urban kastelon. Tie akceptis nin ĉiujn la urbestro, li manpremis al ĉiu el ni kaj paroladis pri sia urbo. Ni tamen diskrete eliris, kiam li afable proponis trinki vinon (alzacan)! Poste ni veturis al la proksimaj tri turoj super Eguisheim, kiuj fakte estas ruinaĵoj. Tie neniu urbestro akceptis nin, domaĝe! Poste ni provis viziti kvaran kastelon, bedaŭrinde ne viziteblan pro riparoj. La kvinan turon ni vizitis tre proksime (Pflixbourg) sed en ĝi estas neniu pordo kaj nur unu embrazuro ! Gi ŝajnis al ni rekonstruita nur por esti vidata el malproksime en la valo ! La ekskurso finiĝis gaje dum vizito al nia prezidanto en Stosswihr, kaj tie ni ree trinkis alzacan vinon!. La proksima turisma renkontiĝo estos la aŭto-ralio prizorgata de «Esperanto-Meuse», la 19-an de septembro, sed tie oni ne scios antaŭe pri la vidindaĵoj. Nur post solvado de enigmoj oni povos malkovri ilin! Ĉu ĉiuj ĉiam sukcesas solvi? Ni aŭdis iam pri Nancianoj, kiujn oni vane atendis por la tagmeza pikniko. Neniam ili alvenis. Ĉu oni revidos ilin? Iu flustris, ke oni vidis ilin flosantaj sur glacimonto en Norda Maro… Ĉu vere? Oni povas dubi, ĉar neniu informagentejo informis pri tio. Sed ĝenerale informagentejoj volas ignori ĉion, kio koncernas Esperanton kaj Esperantistojn ! redaktis J.P. Colnot

  • Kolokvo en Mittelwihr - Studemo estas la kvalifiko, kiu karakterizis la etoson de la kolokvo de Mittelwihr (apud Colmar), organizita de orientfranca Esperanto-federacio kaj Take – Esperanto, la 16/17-ajn de oktobro 1993. La ĉeestantoj partoprenis la pristudadon de diversaj strategiaj planoj, cele al kreskigo kaj valorigo de la esperanto movado. - "Esperanto = luksa produkto por ĉiuj" – Sub la gvido de Edmond Ludwig, prezidanto de orienfranca Esperanto-asocio, pli ol 60 esperantistoj el 5 landoj (Bulgario, Belgio, Francio, Germanio, Luksemburgio) povis mezuri la egan gravecon de vere noviga strategio por la disvastigo de nia lingvo. En duope prezentita prelego, Edmond Ludwig kaj Jean Pierre Cancel, ĝenerala sekretario de Take–Esperanto, klarigis la grandajn liniojn de merkatika strategio, komparinte –surprizante kelkajn– la «produkton Esperanto» al «luksa produkto akirebla de ĉiu ajn”.




Photo 78 Jean Louis Texier


Photo 79 Edmond Ludwig muzikludas

Jean Louis Texier, eksprezidanto de UFE, daŭrigis laŭ la vojo montrita de la du prelegintoj kaj “malmuntis” la mekanikismojn de vendado, specife por vendado de Esperanto en kolora budo konceptita kaj fabrikita de la Take–skipo. = Esperanto naskiĝis fine de la 19a jarcento - Ĝi inundos la mondon en la 21-a jarcento =

Sinjoro Franz-Jozef Braun, prezidanto de I.K.E.F., (Internacia Komerca kaj Ekonomia Fakgrupo), akompane de Roland Rotsaert kaj François-Xavier Gilbert, estraranoj, rememoris la agaderojn de sia asocio ekde ĝia fondo, insistante kompreneble pri la flanko ekonomia kaj komerca. La interveno de la reprezentantoj de Ikef fortigis ĉe la ĉeestantaro la konvinkon, ke necesas nova strategio adoptota de la esperantistoj por daŭrigi sukcese la diskonigon de la lingvo. = Esperanto vivas! Sciigu tion!=

La distra vespero, kiun animis Edmond Ludwig kun sia akordiono, ŝanĝis la kongresanojn en grupon de geamikoj, dancantaj kaj kantantaj en esperanto kaj … en la elzaca! Tia distro estis meritita, ĉar antaŭe, Renée Triolle, prezidantino de UFE kaj vicprezidantino de Take-Esperanto, estis preleginta pri la ekonomiaj kaj sociaj malfacilaĵoj, kiujn suferas nuntempe Rusio. Dimanĉe matene, Renée Triolle prezentis la rezulton de enketo ĉe la membraro de UFE, pritraktita senpage de Jean-Pierre Cancel, kiel helpo de Take–Esperanto al la nacia asocio. Jean-Louis Texier kaj Edmond Ludwig poste intervenis por montri la decidan rolon ludotan de la fakasocioj en la plifortigado kaj ekflorado de la movado. Ili montris ke ĉiu esperantisto, sed ankaŭ ĉiu esperanto-asocio, ĉu ĝeneralmovada, ĉu faka, endas kontribui al la plivastigo de siaj nacia kaj internacia ĝenerala esperanto-asocio. = Strategio pri komunikado por subteni humanistan idearon != Fine, la partoprenantoj estis invititaj al ĉeesto kaj partopreno en ekzerco pri kreivo. Sub gvido de Edmond Ludwig, grupo de gvidantoj de Ikef, UFE, orientfranca federacio, kaj Take-Esperanto demonstris la uzon de individuaj potencialoj en kreivo. La temo proponita al pripenso la antaŭan vesperon estis: kiel rekruti novajn gelernantojn? (La sintezo de tiu dinamika ekzerco pri kreivo estas legebla en la numero 1 de «La Domo», organo de Take–Esperanto). La skipo de Take–Esperanto rememorigis siajn objektivojn resumeblajn per 3 eroj: komunikado kaj strategio en la 21-a jarcento.= Internacia interkonsentado =: Antaŭ la honorvino – kun elzaca vino! – donacita de Take-Esperanto, Moris F6HOP… (alinome Schlewitz), respondeculo de la francaj radio-amatoroj esperantistaj (franca sekcio de Ilera) prezentis en perfekta esperanto siajn aparatojn kaj antenon, kiujn li uzis kun siaj amikoj en la kunvenejo, rilatinte kun la tuta mondo! Alvenis nun ankaŭ la gvidintoj de la paralele funkciantaj trinvielaj kursoj, R. Triolle, A. Grossmann kaj J.P. Colnot kun siaj gelernantoj, kaj la prizorgantoj de la kiel kutime impona libro-servo: s-ino Colnot, R. Degrelle kaj J. L. Thibias.

1   ...   42   43   44   45   46   47   48   49   ...   55


Elŝuti 2.03 Mb.

  • , la motoro de Take–Esperanto, al Michel Basso la iniciinto kaj disponiganto de ejo kaj komunikiloj en sia entrepreno, al Françoise
  • "Esperanto = luksa
  • , ĝenerala sekretario de Take–Esperanto, klarigis la grandajn liniojn de merkatika strategio, komparinte –surprizante kelkajn– la «produkton Esperanto» al «luksa produkto akirebla de ĉiu ajn”.
  • Sinjoro Franz-Jozef Braun, prezidanto de I.K.E.F., (Internacia Komerca kaj Ekonomia Fakgrupo), akompane de Roland Rotsaert kaj François-Xavier
  • = Esperanto vivas! Sciigu tion!=
  • , kiel helpo de Take–Esperanto al la nacia asocio. Jean-Louis Texier kaj Edmond
  • Strategio pri komunikado por subteni
  • Internacia interkonsentado

  • Elŝuti 2.03 Mb.